சர்வதேசச் செய்திகள்

ஆர்ட்டெமிஸ் ஒப்பந்தம் - துருக்கி

September 4 , 2026 11 days 58 0

பாதுகாப்பான மற்றும் அமைதியான விண்வெளி ஆய்வுக்கான கட்டமைப்பான ஆர்ட்டெமிஸ் ஒப்பந்தத்தில் இணைந்த 71வது நாடாக துருக்கி உருவெடுத்துள்ளது.
ஆர்ட்டெமிஸ் ஒப்பந்தம் 2020 ஆம் ஆண்டில் தேசிய வானூர்தியியல் மற்றும் விண்வெளி நிர்வாகம் (NASA) மற்றும் அமெரிக்க வெளியுறவுத் துறை ஆகியவற்றால் தொடங்கப் பட்டது.
இந்த ஒப்பந்தம் 1967 ஆம் ஆண்டு விண்வெளி ஒப்பந்தத்தின் அடிப்படையில் நிலவு, செவ்வாய் மற்றும் அதற்கு அப்பால் பாதுகாப்பான, வெளிப்படையான மற்றும் அமைதியான ஆய்வை ஊக்குவிக்கிறது.
இதில் கையெழுத்திட்டவர்கள் அறிவியல் தரவுகளைப் பகிரவும், அவசர காலங்களில் விண்வெளி வீரர்களுக்கு உதவவும், விண்வெளி அமைப்புகளின் இயங்குதன்மையை மேம்படுத்தவும் உறுதியளிக்கின்றனர்.
ஐக்கிய அரபு அமீரகம், சவுதி அரேபியா, பஹ்ரைன், ஓமன், ஜோர்டான் மற்றும் இஸ்ரேல் ஆகிய நாடுகளுக்குப் பிறகு, இந்த ஒப்பந்தத்தில் இணையும் ஏழாவது மேற்கு ஆசிய நாடு துருக்கி ஆகும்.
துருக்கி தனது முதல் ஆளில்லா சந்திரப் பயணமான AYAP-1 ஐ உருவாக்கி வருகிறது, மேலும் விண்வெளி ஆய்வில் தனது திறன்களை வலுப்படுத்துவதை நோக்கமாகக் கொண்டுள்ளது.