TNPSC Thervupettagam
✖
 
05, Jul 2025
TNPSC Group I Topper Corner
தமிழ் English
தேடல்
தேசியச் செய்திகள்

இடஒதுக்கீடு உரிமைகள் தொடர்பான இந்திய உச்ச நீதிமன்றத் தீர்ப்பு

February 12 , 2020 1970 days 665 0
  • நியமனங்கள் மற்றும் பதவி உயர்வுகளில் மாநிலங்கள் கட்டாயம் இடஒதுக்கீடு வழங்க வேண்டும் என்று அவசியமில்லை என்று இந்திய உச்ச நீதிமன்றம் சமீபத்தில் தீர்ப்பளித்துள்ளது.
  • பதவி உயர்வுகளில் இடஒதுக்கீடு அளிப்பது அடிப்படை உரிமை இல்லை என்றும் உச்ச நீதிமன்றம் தீர்ப்பளித்துள்ளது.
  • அரசியலமைப்பின் 16 (4) மற்றும் 16 (4-A) ஆகிய இரண்டு சரத்துகள் பட்டியலிடப்பட்ட வகுப்பினர் மற்றும் பட்டியலிடப்பட்ட பழங்குடியினர் ஆகியோருக்கு ஆதரவாக நியமனம் மற்றும் பதவி உயர்வுகளில் இட ஒதுக்கீடு செய்ய அரசிற்கு அதிகாரம் அளிக்கின்றது.
  • நீதிமன்றங்கள் இடஒதுக்கீடு வழங்குமாறு மாநிலங்களுக்கு உத்தரவு பிறப்பிக்க முடியாது என்றும் இந்தத் தீர்ப்பில் குறிப்பிடப் பட்டுள்ளது.

பின்னணி

  • 2012 ஆம் ஆண்டு செப்டம்பர் 5 ஆம் தேதியன்று எடுக்கப்பட்ட உத்தரகாண்ட் அரசின் கொள்கை முடிவு தொடர்பான மனுக்களை விசாரிக்கும் போது உச்ச நீதிமன்றம் இந்தத் தீர்ப்பை வழங்கியுள்ளது.
  • பட்டியலிடப்பட்ட வகுப்பினர் மற்றும் பட்டியலிடப்பட்ட பழங்குடியினர் ஆகியோருக்கு இடஒதுக்கீடு வழங்காமல் மாநிலத்தில் பொதுப் பணிகளில் உள்ள அனைத்து பதவிகளையும் நிரப்ப உத்தரகாண்ட் அரசு அறிவித்தது.

இந்திரா சவ்ஹானி (எதிர்) இந்திய அரசு மற்றும் எம். நாகராஜ் வழக்கு (1992):

  • இந்திய உச்ச நீதிமன்றமானது சரத்து16 (4)ன் கீழ் இடஒதுக்கீடானது ஒருவர் அரசாங்கப் பணியில் சேரும் போது மட்டுமே வழங்க முடியும் என்றும் பதவி உயர்வுகளில் இடஒதுக்கீடு வழங்க முடியாது என்ற வரலாற்றுச் சிறப்புமிக்க தீர்ப்பை வழங்கியுள்ளது.

Post Views:
665

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்