TNPSC Thervupettagam
✖
 
10, Jun 2025
TNPSC Group I Topper Corner
தமிழ் English
தேடல்
தேசியச் செய்திகள்

இந்தியத் தண்டனைச் சட்டத்தின் 497வது விதி செல்லாது என்று தீர்ப்பு

September 30 , 2018 2445 days 896 0
  • 2018 ஆம் ஆண்டு செப்டம்பர் 27-ம் தேதி உச்ச நீதிமன்றமானது, தகாத உறவிற்காக ஆண்களை மட்டும் தண்டிக்கின்ற, 1860 ஆம் ஆண்டின் இந்திய தண்டனைச் சட்டத்தின் (Indian Penal Code - IPC) 497வது விதியை செல்லாது என ஒருமனதாக தீர்ப்பளித்துள்ளது.
  • கேரளாவைச் சேர்ந்த ஜோசப் ஷைன் என்பவர் தாக்கல் செய்த மனுவின் மீது 5 நீதிபதிகள் கொண்ட உச்ச நீதிமன்ற அமர்வினால் இத்தீர்ப்பு வழங்கப்பட்டது.
  • நீதிபதி இந்து மல்கோத்ரா மட்டுமே இந்த அமர்வில் இடம்பெற்ற ஒரே பெண் நீதிபதியாவார்.
  • உச்ச நீதிமன்றமானது குற்றவியல் நடைமுறைச் சட்டத்தின் (Criminal Procedure Code - CrPC) பிரிவு 198(1) மற்றும் 198(2) ஆகிய இரண்டையும் செல்லாதது எனவும் கூறியிருக்கின்றது.
  • குற்றவியல் நடைமுறைச் சட்டத்தின் இந்த பிரிவுகள் கணவர்களுக்கு தங்களது மனைவிமார்கள் எந்த ஆண்களுடன் தகாத உறவில் ஈடுபடுகின்றனரோ அவர்கள் மீது புகாரளிக்க அனுமதியளிக்கும்.
  • உச்ச நீதிமன்றமானது
    • தகாத உறவுச் சட்டம், வாழ்வியல் உரிமையான விதி 21 என்பதையும் சமத்துவ உரிமையான விதி 14 என்பதையும் மீறுவதாகவும்,
    • 497வது பிரிவு பெண்களின் கண்ணியத்தையும் சமத்துவத்தையும் அவமதிப்பதாகவும், திருமணத்திற்குப் பிறகு அவர்கள் தங்களது கணவர்மார்களின் சொத்து எனக் கருதுவதாகவும்,

தனது தீர்ப்பில் கூறியுள்ளது.

  • மேலும் உச்சநீதிமன்றம், தகாத உறவானது இந்தியத் தண்டனைச் சட்டத்தின் 306வது விதியான தற்கொலைக்கு தூண்டுதல் என்ற குற்றத்தை ஏற்படுத்தாத வரை அதனைக் குற்றமெனக் கருத இயலாது எனத் தீர்ப்பளித்துள்ளது.
 

Post Views:
896

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்