சுற்றுச்சூழல் செய்திகள்

இந்தியாவின் திறந்தவெளி இயற்கை சூழலியல் அமைப்புகள்

September 3 , 2026 10 days 88 0

மங்கோலியாவின் உலான்பாதரில் நடைபெற்ற பாலைவனமயமாதலை எதிர்த்துப் போராடுவதற்கான ஐக்கிய நாடுகள் சபையின் 17 ஆவது மாநாட்டில் (UNCCD COP17), இந்தியா தனது புல்வெளிகள் மற்றும் பிற திறந்தவெளி இயற்கை சுற்றுச்சூழல் அமைப்புகளுக்கான முதல் வழிகாட்டியை வெளியிட்டது.
இந்த வழிகாட்டியானது புல்வெளிகள், சவானாக்கள், பாலைவனங்கள், புதர்நிலங்கள், பள்ளத்தாக்குகள் மற்றும் பாறை பீடபூமிகளை "தரிசு நிலங்கள்" என அழைக்காமல் முக்கியமான சுற்றுச்சூழல் அமைப்புகளாக அங்கீகரிக்கிறது.
இது தார் பாலைவனம், பன்னி புல்வெளிகள், தக்காண சவானாக்கள், ஆரவல்லி புதர்நிலங்கள், யமுனை-சம்பல் பள்ளத்தாக்குகள் மற்றும் தமிழ்நாட்டின் தேரி காடு போன்ற சுற்றுச்சூழல் அமைப்புகளை உள்ளடக்கியுள்ளது.
சுற்றுச்சூழல், வனம் மற்றும் பருவநிலை மாற்ற அமைச்சகத்தால் (MoEFCC), அசோகா சூழலியல் மற்றும் சுற்றுச்சூழல் ஆராய்ச்சிக்கான அறக்கட்டளை (ATREE), இயற்கை பாதுகாப்பிற்கான சர்வதேச ஒன்றியம் (IUCN) மற்றும் இந்திய விண்வெளி ஆராய்ச்சி நிறுவனம் (ISRO) உள்ளிட்ட நிறுவனங்களுடன் இணைந்து இது உருவாக்கப்பட்டது.
ரைகாக்கள், தங்கர்கள், குஜ்ஜர்கள் மற்றும் பக்கர்வால் போன்ற சமூகங்கள் உள்ளிட்ட மேய்ச்சல் வாழ்வாதாரங்கள், பல்லுயிர் பெருக்கம், மண் கார்பன் மற்றும் நீரியல் ஆகியவற்றை இந்த வழிகாட்டி எடுத்துக்காட்டுகிறது.
கானமயில் மற்றும் வெளிமான் போன்ற உயிரினங்கள் திறந்தவெளி வாழிடங்களையே சார்ந்துள்ளதாலும், இந்த இடங்கள் நிலத்தடியில் கணிசமான கார்பனை சேமித்து வைப்பதாலும், மரம் நடுதல் என்பது எல்லா நேரங்களிலும் பொருத்தமானது அல்ல என்பதை இது வலியுறுத்துகிறது.