தேசியச் செய்திகள்

இந்தியாவில் தொலைத்தொடர்பு பாதுகாப்பு

September 27 , 2026 4 days 57 0

2026 ஆம் ஆண்டு ஜூலை மாதத்தில் இந்தியாவின் செயலில் உள்ள வயர்லெஸ் மொபைல் சந்தாதாரர்களின் எண்ணிக்கை 1,204.01 மில்லியனை எட்டியது, இது மொபைல் சாதனங்கள் மற்றும் சர்வதேச மொபைல் உபகரண அடையாள (IMEI) எண்களைப் பாதுகாக்க வேண்டியதன் அவசியத்தை எடுத்துக்காட்டுகிறது.
IMEI என்பது தொலைத்தொடர்பு வலையமைப்பில் அலைபேசி சாதனத்தை அடையாளப் படுத்தும் 15 இலக்க தனித்துவ எண்ணாகும் என்பதோடு இதன் முதல் 8 இலக்கங்கள் வகை ஒதுக்கீட்டுக் குறியீட்டை (TAC) உருவாக்குகின்றன.
TAC ஒதுக்கீட்டை அலைபேசி தகவல் தொடர்புக்கான உலகளாவிய அமைப்புச் சங்கம் (GSMA) மேற்பார்வையிடுகிறது, அதே வேளையில் உற்பத்தியாளர்கள் சாதனங்களுக்கு தனித்துவமான IMEI எண்களை ஒதுக்குகிறார்கள்.
தொலைத்தொடர்புச் சட்டம் 2023-இன் கீழ் IMEI எண்ணை மாற்றுவது மற்றும் மோசடி அல்லது ஆள்மாறாட்டம் மூலம் சிம் கார்டுகளைப் பெறுவது தடைசெய்யப்பட்டுள்ளது, மேலும் இதற்கு 3 ஆண்டுகள் வரை சிறை தண்டனை, ₹50 லட்சம் அபராதம் அல்லது இரண்டும் விதிக்கப்படலாம்.
சஞ்சார் சாதி (Sanchar Saathi) தளமானது சாதன விவரங்களைச் சரிபார்க்கவும் காணாமல் போன அல்லது திருடப்பட்ட அலைபேசிகளை முடக்கவும் பயனர்களுக்கு உதவுகிறது.