உயரடுக்கு பிரிவினர் (கிரீமி லேயர்) குறித்த உச்ச நீதிமன்ற தீர்ப்பு

• இதர பிற்படுத்தப்பட்ட வகுப்பினரிடையே (ஓபிசி) உயரடுக்கு பிரிவினரை  தீர்மானிக்க வருமானம் மட்டுமே அளவுகோலாக இருக்க முடியாது என்று உச்ச நீதிமன்றம் தீர்ப்பளித்தது.
• பொதுத்துறை நிறுவனங்கள் மற்றும் தனியார் துறை ஊழியர்கள் மற்றும் அரசுத் துறையில் உள்ளவர்களுக்கு இடையிலான சமநிலை குறித்த நீண்டகாலமாக நிலுவையில் உள்ள கேள்விக்கு இது தீர்வு கண்டது.
• முன்னதாக, உயரடுக்கு பிரிவில் சேர்க்கப்பட்டவர்கள் ஓபிசி இடஒதுக்கீட்டுச் சலுகைகளைப் பெறுவதற்கு உரிமை இல்லை.
• இப்போது, உச்ச நீதிமன்றத்தின் தீர்ப்பு பொதுத்துறை நிறுவனங்களிலும் தனியார் வேலைவாய்ப்பிலும் பணி புரியும் பெற்றோரின் குழந்தைகளுக்குப் பொருந்தும்.
• 2015 முதல் குடிமைப் பணித் தேர்வுகளில் தோன்றி ஓபிசி ஒதுக்கீடு மறுக்கப்பட்ட சுமார் 100 நபர்களுக்கு இது நிவாரணம் அளிக்கிறது.
• உயரடுக்கு பிரிவினர்  (கிரீமி லேயர்) அடையாளம் காண்பதற்கான முதன்மை நடவடிக்கை ஊதியம் மட்டுமல்லாமல் சமூக அந்தஸ்தும் இருக்க வேண்டும் என்று நீதிபதிகள் பி.எஸ். நரசிம்ம மற்றும் ஆர். மகாதேவன் ஆகியோர் அடங்கிய அமர்வு உறுதிப்படுத்தியது.
• கிரீமி லேயர் அளவுகோல் தொடர்பாக பணியாளர் மற்றும் பயிற்சித் துறை (டிஓபிடி) வெளியிட்ட கடிதத்தின் காரணமாக எழும் மனுக்களை இந்த அமர்வு விசாரித்தது.
• இது செப்டம்பர் 1993 இல் நீண்ட காலத்திற்கு முன்பு வெளியிடப்பட்ட ஒரு அதிகாரப்பூர்வ குறிப்பாணையை (OM) தெளிவுபடுத்துகிறது.
• கிரீமி லேயர் நிலையை நிர்ணயிப்பதற்கான வருமானம்/செல்வத் தேர்வில் இருந்து குறிப்பாணையானது சம்பளம் மற்றும் விவசாய வருமானத்திலிருந்து வரும் வருமானத்தை விலக்கியதாக நீதிமன்றம் குறிப்பிட்டது.
• அக்டோபர் 14, 2004 தேதியிட்ட அந்தக் கடிதம், பொதுத்துறை மற்றும் தனியார் துறை ஊழியர்களின் சம்பள வருமானத்தைச் சேர்க்க உத்தரவிட்டது.
• இது அரசு ஊழியர்களின் குழந்தைகளுக்கும் பொதுத்துறை/தனியார் துறை ஊழியர்களின் குழந்தைகளுக்கும் இடையே பாகுபாட்டை ஏற்படுத்தியது.
• இது அவர்களின் சம்பளத்திலிருந்து பெறப்பட்ட வருமானத்தின் அடிப்படையில் மட்டுமே இருந்தது.
• எனவே, பொதுத்துறை நிறுவனங்கள் அல்லது தனியார் வேலைவாய்ப்பு போன்றவற்றில் பணியமர்த்தப்பட்டவர்களின் குழந்தைகளை, சம்பளத்திலிருந்து பெறப்பட்ட வருமானத்தின் அடிப்படையில் மட்டுமே இட ஒதுக்கீட்டின் நன்மையிலிருந்து விலக்கப்பட்டதாகக் கருதுவது சரியானதல்ல.
• அவர்களின் பதவிகளைக் குறிப்பிடாமல் (குழு A அல்லது B, அல்லது குழு C அல்லது D) கருதும் போது, அது நிச்சயமாக இதே போல் வைக்கப்பட்டுள்ள தரப்பினரிடையே பாகுபாட்டிற்கு வழிவகுக்கும்.
• மேலும் அது சமமானவர்கள் சமமில்லாமல் நடத்தப்படுவதற்குச் சமமாகும்.
• இதன் மூலம் சரத்துகள் 14, 15 மற்றும் 16 இன் கீழ் சமத்துவக் கோட்பாட்டின் கடுமையை இது ஈர்த்தது.

பின்னணி

• 1992 ஆம் ஆண்டு இந்திரா சாவ்னி vs இந்திய ஒன்றியம் வழக்கில், அல்லது மண்டல் தீர்ப்பு என்றும் அழைக்கப்படும் ஒரு மைல்கல் தீர்ப்பைத் தொடர்ந்து, ஓபிசிக்களுக்குள் 'கிரீமி லேயர்' என்ற கருத்து அறிமுகப்படுத்தப்பட்டது.
• கிரீமி லேயர் எனப்படும் பல ஆண்டுகளாக சில சமூக மற்றும் பொருளாதாரச் சலுகைகளை குவித்துள்ள குடும்பங்கள் கொண்ட சில வகை ஓபிசி நபர்களை விலக்குவதே இதன் யோசனையாக இருந்தது.
• செப்டம்பர் 8, 1993 அன்று, டிஓபிடி ஒரு சுற்றறிக்கையை வெளியிட்டது, அதில் யார் ஓபிசி என வகைப்படுத்தப்படுகிறார்கள், அவர்களில் யார் கிரீமி லேயரைச் சேர்ந்தவர்கள் என்பதை அது தெளிவுபடுத்தியது.
• அரசு வேலைகளில் இருப்பவர்களுக்கு, 'கிரீமி லேயர்' என்பது அரசியலமைப்புப் பதவிகளை வகிக்கும் நபர்கள்; அகில இந்திய சேவைகள், மத்தியச் சேவைகள் மற்றும் மாநிலச் சேவைகளின் குரூப்-ஏ/வகுப்பு-I அதிகாரிகள்; மத்திய மற்றும் மாநிலத்தின் குரூப்-பி/வகுப்பு-II சேவைகள்; பொதுத்துறை நிறுவனங்களின் ஊழியர்கள்; ஆயுதப்படை அதிகாரிகள்; தொழில் வல்லுநர்கள் மற்றும் வர்த்தகம் மற்றும் தொழில்துறையைச் சேர்ந்தவர்கள்; சொத்து உரிமையாளர்கள்; மற்றும் வருமானம்/செல்வத் தேர்வு போன்ற குழுக்களைக் குறிப்பிடுகிறது.
• பெற்றோர்களில் ஒருவர் குரூப்-ஏ-யின் மூலமான நேரடி பணியமர்வாக இருந்தால், அல்லது 40 வயதுக்கு முன் பதவி உயர்வு பெற்றால், அவர்களின் குழந்தைகள் ஓபிசி ஒதுக்கீட்டைப் பயன்படுத்திக் கொள்ள முடியாது.
• இதே போல், பெற்றோர் இருவரும் குரூப்-பி நேரடியாக  பணியமர்த்தப்பட்டால் செய்யப்பட்டால், அவர்களின் குழந்தைகள் கிரீமி லேயரின் கீழ் வருவார்கள்.
• ஆயுதப் படைகளைப் பொறுத்தவரை, லெப்டினன்ட் கர்னல் பதவி வரை உள்ள அதிகாரிகள் ஓபிசி ஒதுக்கீட்டைப் பெறலாம், ஆனால் அதற்கும் மேலான உயர் பதவிகள் கிரீமி லேயரில் உள்ளன.
• அரசுத் துறையில் இல்லாதவர்களுக்கான அளவுகோல் 1993 இல் ஆண்டுக்கு ரூ.1 லட்சமாக நிர்ணயிக்கப்பட்டது.
• இது காலப்போக்கில் திருத்தப்பட்டதுடன் 2017 முதல், இந்த வருமான வரம்பு ரூ.8 லட்சமாக உள்ளது.
• செப்டம்பர் 1993 சுற்றறிக்கையில், கிரீமி லேயர் நிலையைத் தீர்மானிப்பதற்கான வருமானம் மற்றும் செல்வச் சோதனைக்கு "சம்பளம்" அல்லது "விவசாயம்" மூலம் கிடைக்கும் வருமானம் கணக்கிடப்படாது என்று திட்டவட்டமாகக் கூறப்பட்டது.
• ஆனால் EWS (Economically Weaker Sections - பொருளாதார ரீதியாக நலிவடைந்த பிரிவுகள்) நிலையைத் தீர்மானிப்பதில், இது "சேர்க்கப்பட்டுள்ளது".