TNPSC Thervupettagam
✖
 
15, Jul 2025
TNPSC Group I Topper Corner
தமிழ் English
தேடல்
தேசியச் செய்திகள்

உலகளாவிய பட்டினிக் குறியீடு - 102வது இடத்தில் இந்தியா

October 16 , 2019 2099 days 757 0
  • உலகளாவிய பட்டினிக் குறியீட்டில் (Global Hunger Index - GHI) இந்தியா 2010 ஆம் ஆண்டில் 95வது இடத்திலிருந்து 2019 ஆம் ஆண்டில் 102வது இடத்திற்குச் சரிந்துள்ளது.
  • இந்தக் குறியீட்டில் மொத்தம் 117 நாடுகள் தரவரிசைப் படுத்தப் பட்டுள்ளன.
  • 2018 ஆம் ஆண்டு முதல், GHI ஆனது வெல்த்ஹங்கர்ஹெல்ஃப் மற்றும் கன்சர்ன் வேர்ல்டுவைட் ஆகிய அமைப்புகளுடன் இணைந்து சர்வதேச உணவுக் கொள்கை ஆராய்ச்சி நிறுவனத்தால் (International Food Policy Research Institute - IFPRI) வெளியிடப் படுகின்ற ஒரு கூட்டுத் திட்டமாகும்.
  • இந்தக் குறியீட்டில் தெற்காசிய நாடுகளிடையே மிகக் குறைந்த தரவரிசையில் இந்தியா உள்ளது. இந்தக் குறியீட்டில் பிற பிரிக்ஸ் நாடுகளுக்குப் பின்னால் இந்தியா இருக்கின்றது.
  • தெற்காசியாவில் இந்தியாவிற்குப் பின்னால் தரவரிசைப் படுத்தப்பட்ட ஒரே நாடான பாகிஸ்தான் கூட, 2019 ஆம் ஆண்டின் தரவரிசையில் 94வது இடத்திற்கு முன்னேறியுள்ளது.
GHI மதிப்பெண்
  • GHI மதிப்பெண் ஆனது பின்வருவனவற்றின் அடிப்படையில் 2014 முதல் 2018 வரையிலான தரவை பிரதிபலிக்கின்றது.
    • ஒரு நாட்டில் ஊட்டச்சத்து குறைபாடுள்ள குழந்தைகள் எண்ணிக்கையின் விகிதம்
    • உயரத்திற்கு ஏற்ற எடை இல்லாத அல்லது வயதுக்கு ஏற்ற உயரம் இல்லாத ஐந்து வயதிற்குட்பட்ட குழந்தைகளின் எண்ணிக்கை
    • 5 வயதுக்குட்பட்ட குழந்தைகளின் இறப்பு விகிதம்.
  • இந்தியாவின் குழந்தை மெலிதல் விகிதமானது 20.8% (இந்த அறிக்கையில் குறிப்பிடப்பட்டுள்ள எந்தவொரு நாட்டிலும் இல்லாத அளவிற்கு மிக அதிக குழந்தை மெலிதல் விகிதம்) என்ற அளவில் மிக அதிகமாக உள்ளது.
    • குழந்தை மெலிதல் விகிதம் – குழந்தை மெலிதல் அல்லது உயரத்திற்கு ஏற்ற எடையற்ற குறைந்த எடை கொண்ட குழந்தைகள் விகிதமானது ஐந்து வயதுக்குட்பட்ட குழந்தைகளிடையேயான  இறப்பு விகிதத்தை முன்கூட்டியே வலுவாக கணிக்க உதவும் ஒரு கூறாகும்.
“கடுமையான பட்டினிப்” பிரிவு
  • GHI ஆனது 100 புள்ளிகள் என்ற அளவில் நாடுகளை தரவரிசைப் படுத்துகின்றது. இந்தக் குறியீட்டில் உள்ள 0 ஆனது சிறந்த மதிப்பெண்ணையும் (பட்டினி இல்லாத) மற்றும் 100 ஆனது மிக மோசமான மதிப்பெண்ணையும் குறிக்கின்றது.
  • இக்குறியீட்டில் இந்தியாவின் மதிப்பெண் 30.3 ஆக உள்ளது. இந்தியா இக்குறியீட்டில் கடுமையான பட்டினிப் பிரிவில் இடம் பிடித்துள்ளது.
  • காலநிலை மாற்றமானது உணவின் தரம் மற்றும் உணவுப் பாதுகாப்பைக் கடுமையாக பாதிக்கின்றது. இது பயிரிடப்பட்ட உணவின் ஊட்டச்சத்துத் தரத்தை மிகவும் மோசமாக்குகின்றது.


Post Views:
757

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்