TNPSC Thervupettagam
✖
 
20, Jul 2025
TNPSC Group I Topper Corner
தமிழ் English
தேடல்
சர்வதேசச் செய்திகள்

உலக காற்று அறிக்கை 2021

March 30 , 2021 1573 days 778 0
  • இந்த அறிக்கை உலகளாவிய காற்று ஆற்றல் ஆணையத்தினால் (GWEC - Global Wind Energy Council) வெளியிடப்பட்டது.  
  • அடுத்த பத்தாண்டுகளில் மும்மடங்கு என்ற அளவிற்கு விரைவான புதிய காற்று ஆற்றல் திறனை நிறுவ வேண்டிய அவசியத்தைப் பற்றி இந்த அறிக்கை எச்சரித்து உள்ளது.
  • இது தொழிற்துறை வளர்ச்சிக்கு முந்தைய காலங்களில் இருந்ததை விட 2oCக்கும் அதிகமாக உலக வெப்பமயமாதலைக் குறைப்பதற்கும், உலகளாவிய காலநிலை இலக்குகளை அடைவதற்குமான ஒரு எச்சரிக்கையாகும்.
  • 2020 ஆம் ஆண்டில் 93 GW திறன் கொண்ட புதிய காற்று ஆற்றல் உற்பத்தி திறனானது அமைக்கப் பட்டுள்ளது.
  • இது வருடத்திற்கு 53% அதிகரிப்பு ஆகும்.
  • ஆனால் 2050 ஆம் ஆண்டிற்குள் நிகர சுழிய உமிழ்வுகளின் வெளியீட்டினை 0% என்ற அளவிற்கு குறைத்தல் எனும் இலக்கிற்கு இது போதுமானதல்ல.

முடிவுகள்

  • இந்த அறிக்கையின்படி, மொத்த உலக காற்றாற்றல் திறனான 743 GW ஆனது ஒவ்வொரு வருடமும் 1.1 பில்லியன் டன்னுக்கும் மேலான கார்பன்டை ஆக்சைடு வெளியீட்டை குறைக்க உதவுகிறது.
  • இது தென் அமெரிக்காவின் வருடாந்திரக் கார்பன் வெளியீட்டிற்குச் சமமாகும்.
  • இந்த அறிக்கை வருடத்திற்கு குறைந்தபட்சம் 280 GW திறன் கொண்ட புதிய காற்று ஆற்றல் மையங்களை அமைப்பதற்கான தேவை உலகிற்கு உள்ளதாக எச்சரிக்கிறது.
  • உலகம் முழுவதுமுள்ள அரசுகள் அபாய நிலை (Red tape) மற்றும் திட்டமிடுதலில் ஏற்படும் தாமதங்கள் போன்றவற்றை ஒழிக்க காலநிலை அவசரம் (Climate Emergency) எனும் அணுகுமுறையை கையாள வேண்டுமெனவும் இந்த அறிக்கை குறிப்பிடுகிறது.
  • நிகர அளவில் சுழிய உமிழ்வின் நிலையை அடைதல் மற்றும் பசுமையான ஒரு மீட்சியினை ஊக்குவித்தல் போன்றவற்றிற்கு காற்று ஆற்றல் ஒரு மூலமாகும்.
  • ஏனெனில், காற்று ஆற்றல் விலை மலிவான மற்றும் ஒரு MWக்கு அதிகளவில் கரிம நீக்கத் திறனுடைய ஒரு ஆற்றல் மூலமாகும்.
  • இந்த அறிக்கையின் படி, கடந்த பத்தாண்டுகளில் தொழில்நுட்பக்  கண்டுபிடிப்புகள் மற்றும் சாதகமான பொருளாதார நிலைகள் (Economies of Scale) போன்றவை உலகளாவிய காற்று ஆற்றல் சந்தையின் அளவை நான்கு மடங்காக்கியுள்ளது.
  • 2020 ஆம் ஆண்டில் ஏற்பட்ட வளர்ச்சி சீனா மற்றும் ஐக்கிய அமெரிக்க நாடுகளில் அமைக்கப்பட்ட பெரிய காற்று ஆற்றல் மையங்களால் ஏற்பட்டதாகும்.
  • இவை உலகின் இரு மிகப்பெரிய காற்று ஆற்றல் சந்தையாகத் திகழ்கின்றன.
  • இரு நாடுகளும் மொத்த காற்று ஆற்றல் திறனில் பாதிக்கு மேலான திறனைக் கொண்டுள்ளன.
  • அவை 2020 ஆம் ஆண்டில் அமைக்கப்பட்ட புதிய மையங்களில் 75% ஆகும்.

Post Views:
778

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்