ஒடிசாவில் உள்ள டெப்ரிகர் (Debrigarh) வனவிலங்கு சரணாலயத்தில் உள்ளூர் மக்களால் “மகாபல பாகா” (Mahabala Bagha) என்று அழைக்கப்படும் ராயல் வங்காளப் புலி ஒன்று சமீபத்தில் சுற்றுலாப் பயணிகளால் காணப்பட்டதுடன், அது பின்னர் ஒரு கடமானையும் (Sambar deer) வேட்டையாடியது.
ராயல் வங்காளப் புலி (பாந்தெரா டைகிரிஸ்) பன்னாட்டு இயற்கைப் பாதுகாப்புச் சங்கத்தின் (IUCN) செந்நிறப் பட்டியலில் அருகிய வரும் இனமாக (Endangered - EN) வகைப்படுத்தப்பட்டுள்ளது.
டெப்ரிகர் வனவிலங்கு சரணாலயம் ஒடிசாவின் பர்கர் மாவட்டத்தில் ஹிராகுட் நீர்த்தேக்கத்திற்கு அருகில் அமைந்துள்ளது.
டெச்சுவான்–லக்கன்பூர் வனப்பகுதி வழியாக இப்புலி நுழைந்துள்ளது; இதன் பூர்வீகம் குறித்து தேசிய புலிகள் பாதுகாப்பு ஆணையம் (NTCA) மற்றும் இந்திய வனவிலங்கு நிறுவனம் (WII) ஆகியவை ஆய்வு செய்து வருகின்றன.
சுமார் 500 சதுர கி.மீ. மையப் பகுதி உட்பட சுமார் 900 சதுர கி.மீ. பரப்பளவைக் கொண்டுள்ள இச்சரணாலயத்தை புலிகள் காப்பகமாக அங்கீகரிப்பதற்கான முன்மொழிவிற்கு மத்திய அரசின் ஒப்புதல் கிடைத்துள்ளது.