TNPSC Thervupettagam
✖
 
15, Aug 2025
TNPSC Group I Topper Corner
தமிழ் English
தேடல்
தேசியச் செய்திகள்

குடியரசு தின அணிவகுப்பு 2023

January 29 , 2023 929 days 561 0
  • 2023 ஆம் ஆண்டு குடியரசு தின அணிவகுப்பில் பங்குபெற்ற பல மாநிலங்களின் காட்சி வாகனத்தில் 'நாரி சக்தி' என்ற கருத்துருவே அதிகம் இடம் பெற்றிருந்தது.
  • 96 வயதில் எழுத்தறிவுத் தேர்வில் முதலிடம் பெற்ற, 2020 ஆம் ஆண்டு நாரி சக்தி புரஸ்கார் விருதை வென்ற கார்த்தியாயனி அம்மாவினைச் சித்தரிக்கும் வகையில் கேரள மாநிலத்தின் காட்சி வாகனம் இடம் பெற்றிருந்தது.
  • நாட்டிலேயே பெண்களின் கல்வியறிவு விகிதத்தில் கேரளா முதலிடத்தில் உள்ளதோடு அந்த மாநிலம் குடும்பஸ்ரீ எனப்படும் உலகின் மிகப்பெரிய மகளிர் சுய உதவிக் குழு  வலையமைப்பினையும் கொண்டுள்ளது.
  • தமிழ்நாடு மாநிலத்தின் காட்சி வாகனமானது, பெண்களுக்கு அதிகாரமளித்தல் மற்றும் மாநிலத்தின் கலாச்சாரத்தைச் சித்தரிக்கும் வகையில் இருந்தது.
  • இந்தக் காட்சி வாகனத்தின், முன் பகுதியில் அறிவுசார் பெண்களுக்கான சின்னமாக விளங்கும் கவிஞர் ஒளவையார் அவர்களின் சிலை காட்சிப் படுத்தப்பட்டது.
  • அந்த வாகனத்தின் முன்பக்கத்தின் இருபுறமும் வீரமங்கை வேலு நாச்சியார் அவர்கள் குதிரை மீது ஏறி நிற்கும் சிலை வைக்கப் பட்டிருந்தது.
  • இவர் சிவகங்கையின் இராணி (1780-90) ஆவார்.
  • இந்தக் காட்சி வாகனத்தின், நடுப்பகுதியில் புகழ்பெற்ற பெண் ஆளுமைகளின் சிலைகள் காட்சிக்கு வைக்கப் பட்டன.
  • கர்நாடக இசைப் பாடகி M.S. சுப்புலட்சுமி, சிறந்த பரதநாட்டிய மேதை தஞ்சை பால சரஸ்வதி ஆகியோரின் சிலைகள் இதில் இடம் பெற்றன.
  • சமூகச் சீர்திருத்தவாதியும் மருத்துவருமான முத்துலட்சுமி ரெட்டி அவர்களுடைய சிலையும் இடம் பெற்றது.
  • திராவிட இயக்கத்தின் ஆசிரியரும் அரசியல் ஆர்வலருமான மூவலூர் இராமாமிர்தம் அம்மையார் அவர்களின் சிலையும் இடம் பெற்றிருந்தது.
  • தனது 105 வயதிலும் விவசாயத் துறையில் தீவிரமாகப் பணியாற்றி வரும் பிரபலமான இயற்கை விவசாயி பாப்பம்மாள் அவர்களின் சிலையும் இதில் இடம் பெற்றது.


Post Views:
561

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்