TNPSC Thervupettagam
✖
 
05, Aug 2025
TNPSC Group I Topper Corner
தமிழ் English
தேடல்
தேசியச் செய்திகள்

சமத்துவமின்மை அறிக்கை 2021 : இந்தியாவின் சமத்துவமற்ற சுகாதார நலத்தின் கதை

July 22 , 2021 1475 days 600 0
  • இது ஆக்ஸ்ஃபாம் நிறுவனத்தின் ஒரு அறிக்கையாகும்.
  • இந்த அறிக்கையானது பொதுச் சுகாதார முறையில் செய்யப்படும் குறைவானச் செலவினமானது சுகாதார நலனை அணுகுவதில், குறிப்பாக தொற்றுநோய் காலங்களில் எவ்வாறு சமத்துவமின்மைக்கு வழிவகுத்தது என்பதைப் பற்றி எடுத்துரைக்கிறது.
  • கோவிட்-19  பெருந்தொற்றினைச் சிறப்பாகக் கையாள்வதில் கேரள மாநிலத்தை ஒரு வெற்றிகரமான  மாநிலமாக இந்த அறிக்கை குறிப்பிட்டுள்ளது.
  • தெலங்கானா, இமாச்சலப் பிரதேசம் மற்றும் ராஜஸ்தான் ஆகிய மாநிலங்களில் உறுதிப்படுத்தப்பட்ட கோவிட்-19 தொற்றுகள் குறைவான அளவே பதிவாகியுள்ளதாக இந்த அறிக்கை கூறுகிறது.
  • அந்த மாநிலங்கள் கடந்த சில வருடங்களில் பட்டியலினப் பிரிவினர், பட்டியலினப் பழங்குடியினர் மற்றும் பொதுப் பிரிவு மக்கள்தொகையினர் ஆகியோரிடையே சுகாதாரத் துறையில் இருக்கும் ஏற்றத்தாழ்வுகளைக் களைந்து வருகின்றன.
  • அதே சமயம் மொத்த உள்நாட்டு உற்பத்தியில் சுகாதாரத்திற்கு அதிக செலவினத்தை ஒதுக்கியுள்ள அசாம், பீகார் மற்றும் கோவா போன்ற மாநிலங்களில் கோவிட் தொற்றிலிருந்து மீள்பவர்கள் எண்ணிக்கை வீதம் அதிகமாக உள்ளது எனவும் இந்த அறிக்கையில் கூறப்பட்டுள்ளது.
  • நாட்டின் மொத்த குடும்பங்களில் மூன்றில் ஒரு பங்கிற்கும் குறைவான குடும்பங்களே அரசின் காப்பீட்டுத் திட்டத்தினால் பயன் பெற்று வருகின்றனர்.
  • இந்தியாவில் சுகாதாரத்திற்காக தனிநபர் ஒருவர் தமது கையில் இருந்து செய்யும் செலவு வீதமானது (64.2%) உலகச் சராசரியை விட அதிகமாகும்.


Post Views:
600

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்