தமிழ்நாட்டுச் செய்திகள்

சாத்தான்குளம் வழக்கில் ஸ்ரீஹரன் வெற்றிடம்

April 15 , 2026 13 hrs 0 min 68 0

சாத்தான்குளம் காவல் நிலைய மரண வழக்கில் மதுரை நீதிமன்றம் மரண தண்டனை விதித்துள்ள நிலையில் இது "ஸ்ரீஹரன் வெற்றிடத்தை" முன்னிலைப்படுத்துகிறது.
2020 ஆம் ஆண்டில் கடுமையான காவல்துறை சித்திரவதை காரணமாக தந்தையும் மகனும் காவலில் கொல்லப்பட்டதை இந்த வழக்கு உள்ளடக்கியது.
மரண தண்டனை வழங்குவதற்காக பச்சன் சிங் எதிர் பஞ்சாப் மாநில வழக்கில் கூறப்பட்ட "அரிதினும் அரிதான" விதியை விசாரணை நீதிமன்றம் பயன்படுத்தியது.
இந்திய ஒன்றியம் Vs வி. ஸ்ரீஹரன் வழக்கின்படி, விசாரணை நீதிமன்றங்கள் தண்டனை குறைப்பு (முன்கூட்டியே விடுதலை) இல்லாமல் குறிப்பிட்ட காலத்திற்கான ஆயுள் தண்டனையை வழங்க முடியாது.
குற்றவியல் நடைமுறைச் சட்டத்தின் (CrPC) பிரிவு 433A-இன் கீழ், தண்டனை குறைப்புக்கு முன்பு ஆயுள் தண்டனைக்கு குறைந்தபட்சம் 14 ஆண்டுகள் சிறை வாசத்தை நிர்ணயிக்கிறது.
இந்த விதியின் காரணமாக நீதிபதிக்கு, ஆயுள் தண்டனை (குறைந்தபட்சம் 14 ஆண்டுகள்) அல்லது மரண தண்டனை ஆகிய இரண்டு தெரிவுகள் மட்டுமே இருந்தன.
14 ஆண்டுகளுக்கும் மரண தண்டனைக்கும் இடையிலான இந்த இடைவெளி "ஸ்ரீஹரன் வெற்றிடம்" என்று அழைக்கப்படுகிறது, இதில் விசாரணை நீதிமன்றங்களுக்கு நடுத்தர அளவிலான தண்டனை வழங்க எந்த வாய்ப்பும் இல்லை.
கடுமையான குற்றங்களுக்காக இந்திய உச்ச நீதிமன்றமானது "சிறப்பு வகை தண்டனைகளை" (தண்டனை குறைப்பு இல்லாமல் 20-30 ஆண்டுகள் சிறை போன்றவை) உருவாக்கியது.
ஆனால் இந்திய உச்ச நீதிமன்றம் மற்றும் சென்னை உயர் நீதிமன்றம் போன்ற உயர் நீதிமன்றங்கள் மட்டுமே இந்த விருப்பத்தைப் பயன்படுத்த முடியும், விசாரணை நீதிமன்றங்களால் பயன்படுத்த முடியாது.