சுற்றுச்சூழல் செய்திகள்

சிறுத்தைகளுக்கான நோயெதிர்ப்புக் கருத்தடை முறை – மகாராஷ்டிரா

October 21 , 2026 15 hrs 0 min 65 0

மகாராஷ்டிராவின் புனே மாவட்டத்தில் உள்ள ஜுன்னார் வனப் பிரிவு, நோயெதிர்ப்பு கருத்தடை முறையைப் பயன்படுத்தி சிறுத்தைகளின் இனப்பெருக்கத்தைக் கட்டுப்படுத்த இந்தியாவின் முதல் அறிவியல் பூர்வ ஆய்வைத் தொடங்கியது, மேலும் இரண்டு பெண் சிறுத்தைகளுக்குத் தடுப்பூசி போடப்பட்டு காட்டில் விடுவிக்கப்பட்டுள்ளன.
நோயெதிர்ப்புக் கருத்தடை (Immunocontraception) என்பது ஒரு தடுப்பூசியைப் பயன்படுத்தி கருவூறும் திறனை நிரந்தரமாகப் பாதிக்காமல் தற்காலிகமாகக் கர்ப்பத்தைத் தடுக்கும் ஓர் உயிருக்கு ஆபத்தை ஏற்படுத்தாத முறையாகும்.
இந்த ஆய்வுக்கு 1972 ஆம் ஆண்டின் வனவிலங்கு (பாதுகாப்பு) சட்டத்தின் கீழ் மத்திய சுற்றுச்சூழல், வனம் மற்றும் பருவநிலை மாற்ற அமைச்சகம் (MoEFCC) ஒப்புதல் அளித்துள்ளது.
அதிக அடர்த்தி கொண்ட பகுதிகளில் மனித-சிறுத்தை மோதலைக் குறைப்பதில் நோயெதிர்ப்பு கருத்தடையின் பாதுகாப்பு மற்றும் செயல்திறனை மதிப்பிடுவதை இந்த சோதனைத் திட்டம் நோக்கமாகக் கொண்டுள்ளது.
ஹார்மோன் மாற்றங்கள் மற்றும் தடுப்பூசியின் நீண்டகால விளைவுகளைக் கண்காணிக்க இரத்த மாதிரிகளை பகுப்பாய்வு செய்ய மும்பையில் உள்ள இந்திய மருத்துவ ஆராய்ச்சி சபை (ICMR) உதவும்.
2000 ஆம் ஆண்டு முதல் 2025 ஆம் ஆண்டு வரையிலான காலத்தில், ஜுன்னார் வனப் பிரிவில் சிறுத்தை தாக்குதலில் 56 பேர் உயிரிழந்தனர்.