அறிவியல் மற்றும் தொழில்நுட்பச் செய்திகள்

செவ்வாய் கிரகத்தின் நிலவுகள் ஆய்வுத் திட்டம்

October 24 , 2026 15 hrs 0 min 15 0

செவ்வாய் கிரகம் மற்றும் அதன் இரண்டு நிலவுகளை (போபோஸ் மற்றும் டீமோஸ்) ஆய்வு செய்வதற்காக ஜப்பானின் செவ்வாய் கிரகத்தின் நிலவுகள் ஆய்வுத் திட்டம் (MMX) தொடங்கப்பட்டுள்ளது.
செவ்வாய் கிரகத்தின் நிலவில் தரையிறங்கி, பூமிக்குக் கொண்டு வருவதற்கான மாதிரிகளைச் சேகரிக்கும் முதல் திட்டமாக இத்திட்டம் அமையும்.
பாறைகள் மற்றும் மேற்பரப்புப் பொருட்களைச் சேகரிப்பதற்காக, செவ்வாய் கிரகத்தின் பெரிய மற்றும் நெருக்கமான நிலவான போபோஸை (Phobos) MMX திட்டம் இலக்காகக் கொள்ளும்.
இந்த மாதிரிகள் செவ்வாய் கிரகம் மற்றும் அதன் நிலவுகளின் தோற்றம் மற்றும் பரிணாமம், அத்துடன் சூரியக் குடும்பத்தின் ஆரம்பகால வரலாறு குறித்த தகவல்களை வழங்கக் கூடும்.
இத்திட்டத்தை ஜப்பான் விண்வெளி ஆய்வு முகமை (JAXA) முன்னெடுத்துச் செல்கிறது.