தமிழ்நாட்டுச் செய்திகள்

தமிழ்நாட்டின் பொருளாதார வளர்ச்சி குறித்த தரவுகள்

May 1 , 2026 14 hrs 0 min 19 0

2024-25-ஆம் ஆண்டில் 11.19% ஆக இருந்த தமிழ்நாட்டின் மொத்த மாநில உள்நாட்டு உற்பத்தியானது (GSDP), 2025-26-ஆம் ஆண்டில் 10.83% ஆக வலுவான வளர்ச்சியைப் பதிவு செய்துள்ளது.
இது தேசிய சராசரியான 7.4%-ஐ விட அதிகமாகும், என்பதுடன் இது தொடர்ந்து இரண்டு ஆண்டுகள் இரட்டை இலக்க வளர்ச்சியைக் காட்டுகிறது.
இம்மாநிலம் இரண்டாவது பெரிய பொருளாதாரமாக உள்ளதுடன், 9.07% (2021-22 முதல் 2024-25 ஆம் ஆண்டு வரை) சராசரி வளர்ச்சியைப் பதிவு செய்துள்ளது.
இது 5.21% (2016-17 முதல் 2020-21 ஆம் ஆண்டு வரை) மற்றும் 7.18% (கோவிட் தொற்றுக்கு முந்தைய காலம்) ஆகியவற்றை விட அதிகமாகும் என்பதோடு நிதி மற்றும் தொழில்துறைக் கொள்கைகளால் ஏற்பட்ட வலுவான மீட்சியையும் இது காட்டுகிறது.
பெயரளவு மொத்த மாநில உள்நாட்டு உற்பத்தியானது ₹31.19 லட்சம் கோடியில் (2024-25) இருந்து ₹35.29 லட்சம் கோடியாக (2025-26) அதிகரித்துள்ளது, இதன் 13.16% வளர்ச்சி, மாநிலங்களிலேயே அதிகபட்சமாகும்.
15.02% வளர்ச்சியுடன் இரண்டாம் நிலைத் துறை முக்கிய உந்துசக்தியாக உள்ளது, இது தேசிய அளவிலான 6.6%-ஐ விட அதிகம்; உற்பத்தித்துறை 14.22% மற்றும் கட்டுமானத் துறை 15.02% வளர்ந்துள்ளது (இரண்டும் தேசிய அளவில் ~7%); இந்தியாவின் உற்பத்தித்துறை GDP-யில் மாநிலம் 13.35% பங்களிக்கிறது, மேலும் சுமார் 25 லட்சம் தொழிலாளர்களுக்கு வேலைவாய்ப்பு அளிக்கும் 40,000-க்கும் மேற்பட்ட தொழிற் சாலைகளைக் கொண்டுள்ளது (இந்தியாவிலேயே அதிகம்).
சேவைத் துறை மொத்த மதிப்புக் கூட்டலில் (GVA) 53.54% பங்களிக்கிறது மற்றும் 8.54% வளர்ந்துள்ளது (தேசிய அளவிலான 9.1%-க்குக் கீழே); போக்குவரத்து, சேமிப்பு மற்றும் தகவல் தொடர்பு 13.35% மற்றும் நிதிச் சேவைகள் 11.11% ஆக வளர்ந்துள்ளன.
முதன்மைத் துறை 5.92% வளர்ந்துள்ளது (தேசிய அளவிலான 2.7%-ஐ விட அதிகம்), இதற்கு 8.91% விவசாய வளர்ச்சி துணைபுரிந்துள்ளது.
தனிநபர் வருமானம் (NSDP – நிகர மாநில உள்நாட்டு உற்பத்தி) ₹2.096 லட்சத்திலிருந்து (2020-21) ₹4.08 லட்சமாக (2025-26) அதிகரித்துள்ளது, இது கர்நாடகாவுக்கு அடுத்த படியாக இரண்டாவது மிக உயர்ந்த அளவாகும்; இதன் அகில இந்திய சராசரி ₹2.196 லட்சம் ஆகும்.
அந்நிய நேரடி முதலீடு (FDI) வரவு $2,169 மில்லியனில் (2022-23) இருந்து $3,681 மில்லியனாக (2024-25) உயர்ந்துள்ளது.
நிதி ஆயோக்கின் ஏற்றுமதி தயார்நிலை குறியீட்டில் மகாராஷ்டிராவுக்கு அடுத்தபடியாக 64.41 மதிப்பெண்களுடன் 2-வது இடத்தில் உள்ளது.
நிதிப் பற்றாக்குறை GSDP-யில் 4.91% (2020-21) என்பதிலிருந்து 3% ஆக (2026-27 பட்ஜெட் மதிப்பீடு - BE) குறைந்துள்ளது; வருவாய் பற்றாக்குறை 3.49%-லிருந்து 1.2% ஆக குறைந்துள்ளது; நிதி ஆணையத்திற்குப் பிறகு குறைவான நிதி பகிர்வு இருந்த போதிலும், கடன்-GSDP விகிதம் சுமார் 26% ஆக உள்ளது, இது மாநிலத்தின் நிதி ஒழுக்கத்தைக் காட்டுகிறது.