TNPSC Thervupettagam
✖
 
05, Nov 2025
TNPSC Group I Topper Corner
தமிழ் English
தேடல்
தமிழ்நாட்டுச் செய்திகள்

தமிழ்நாட்டின் மொத்த கடன்கள்

October 25 , 2025 11 days 63 0
  • தமிழ்நாடு மாநில நிதிப் பொறுப்பு மற்றும் பட்ஜெட் மேலாண்மைச் சட்டம் (TNFR சட்டம்), 2003, மொத்தப் பொறுப்புகளை "மாநிலத்தின் ஒருங்கிணைந்த நிதி மற்றும் மாநிலத்தின் பொதுக் கணக்கின் கீழ் உள்ள கடன்கள் " என்று வரையறுக்கிறது.
  • மாநிலத்தின் திட்டமிடப்பட்ட பல்வேறு திட்டங்களைச் செயல்படுத்துவதற்காக நிறுவனங்கள் / நிறுவனங்களால் வாங்கப் படும் கடன்கள் அதன் நிதிக் கணக்குகளில் பதியப் படுவதில்லை.
  • இந்தக் கடன்கள் மறைமுகமாக மாநிலத்தின் பொறுப்புகளில் சேர்க்கப் படுகின்றன.
  • மாநிலத்தின் திட்டமிடப்பட்டத் திட்டங்களுக்கு, அசல் மற்றும் வட்டியானது மாநில அரசால் செலுத்தப் படுகிறது.
  • 2021-22 நிதியாண்டிலிருந்து அமலுக்கு வரும் வகையில், பட்ஜெட்டுக்கு வெளியே கடன்களைக் கட்டுப்படுத்தவும், மாநிலங்களிடையே நிதி ஒழுக்கத்தை ஏற்படுத்தவும், 'அரசுக்குச் சொந்தமான நிறுவனங்கள்' வாங்கும் கடன்கள், அசல் மற்றும்/அல்லது வட்டி ஆகியன மாநிலப் பட்ஜெட்டுகள் மற்றும்/அல்லது வரிகள்/செஸ் அல்லது அந்த மாநிலத்தின் வேறு எந்த வருவாயின் மூலம் அவை திருப்பிச் செலுத்தப் படுகின்றன என்பதோடு அவை மாநில அரசாங்கங்களுக்குக் கடன் வாங்குவதற்கான ஒப்புதலை வழங்குவதற்காக ஒரு காரணியாகக் கொள்ளப்படுகின்றன.
  • சில மாநிலங்கள் பட்ஜெட்டுக்கு வெளியே கடன்களைப் பயன்படுத்தி நிகர கடன் வாங்கும் உச்ச வரம்பைத் தவிர்ப்பதன் விளைவைக் கருத்தில் கொண்டு இது செய்யப் பட்டது.
  • தமிழ்நாடு உட்பட மாநிலங்கள், மாநில மேம்பாட்டுக் கடன்கள் (SDLs) எனப்படும் பத்திரங்களை வெளியிடுவதன் மூலம் நிதி திரட்டுகின்றன.
  • இந்தப் பத்திரங்களுக்கான ஏலத்தை இந்திய ரிசர்வ் வங்கி (RBI) நடத்துகிறது.
  • இந்தப் பத்திரங்கள் பல்வேறு காலக் கட்டங்களுக்கு வெளியிடப்படுகின்றன என்பதோடு மேலும் அதன் முதிர்ச்சியின் போது அம்மாநிலங்கள் அசல் தொகையை வட்டியுடன் திருப்பிச் செலுத்த வேண்டும்.
  • SDLகள் தமிழ்நாட்டின் நிலுவையில் உள்ள கடன்களில் பெரும்பகுதியை உருவாக்குகின்றன.
  • மாநிலங்களுக்கான கடன் வாங்கும் உச்ச வரம்பை மத்திய அரசு நிர்ணயித்துள்ளது.
  • கடன் வாங்கும் உச்சவரம்பு 2025-26 ஆம் ஆண்டிற்கான திட்டமிடப்பட்ட மொத்த மாநில உள்நாட்டு உற்பத்தியில் (GSDP) 3% ஆகும்.
  • மின்சார விநியோகச் சீர்திருத்தங்களை மேற்கொள்வது மற்றும் மாநிலத்திற்குள் மின் பரிமாற்றத் திறனை அதிகரிப்பதைப் பொறுத்து மாநிலங்களுக்கு GSDPயில் 0.5% கூடுதல் கடன் வாங்க அனுமதிக்கப்படுகிறது.
  • 2025-26 ஆம் ஆண்டில் மொத்தம் ₹1,62,096.76 கோடி கடன் வாங்கி ₹55,844.53 கோடியினைத் திருப்பிச் செலுத்த தமிழ்நாடு அரசு திட்டமிட்டுள்ளது.
  • இதன் விளைவாக, 2025-26 ஆம் ஆண்டுக்கான மாநில பட்ஜெட்டின்படி, மார்ச் 31, 2026 நிலவரப்படி நிலுவையில் உள்ள கடன் ₹9,29,959.3 கோடியாக இருக்கும்.
  • CAG அறிக்கையின்படி, 2024-25 முதல் வட்டிக்கான மாநிலத்தின் பொறுப்பு ₹29,159.18 கோடியாக இருக்கும்.
  • மேலும் அடுத்த 10 ஆண்டுகளில் நிலுவையில் உள்ள சந்தைக் கடன்களில் அசல் தொகை ₹3,88,202.82 கோடியாக இருக்கும்.


Post Views:
63

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்