தேசியச் செய்திகள்

தேசிய பாதுகாப்பு வழிகாட்டுதல்கள்

August 16 , 2026 2 days 43 0

மத்திய உள்துறை அமைச்சகம் (MHA) புதிய தேசிய பாதுகாப்பு வழிகாட்டுதல்களை வெளியிட்டுள்ளது.
சர்வதேச எல்லைக்கு 1 கி.மீ சுற்றளவுக்குள் சூரிய சக்தி, காற்று மற்றும் கலப்பு (hybrid) புதுப்பிக்கத்தக்க எரிசக்தித் திட்டங்களுக்கு முழுமையான தடை விதிக்கப்பட்டுள்ளது; அதேவேளையில், 50 கி.மீ தொலைவு வரை அமைந்துள்ள திட்டங்களுக்குப் பாதுகாப்பு அனுமதி கட்டாயமாக்கப்பட்டுள்ளது.
இந்த எல்லைப் பகுதிகளில் கட்டுப்பாட்டுக் கோடு (LoC), உண்மையான கட்டுப்பாட்டுக் கோடு (LAC) மற்றும் சர்வதேச எல்லை (IB) ஆகியவை அடங்கும்.
LoC, LAC மற்றும் IB ஆகியவற்றிலிருந்து 20 கி.மீ தொலைவுக்குள் முன்மொழியப்படும் திட்டங்களுக்கு, பாதுகாப்பு அமைச்சகத்திடமிருந்து தனிப்பட்ட 'தடையின்மைச் சான்றிதழ்' (NOC) பெறுவதும் அவசியமாகும்.
அனைத்து புதுப்பிக்கத்தக்க எரிசக்தித் திட்டங்களுக்கான விண்ணப்பங்களும் புதிய மற்றும் புதுப்பிக்கத்தக்க எரிசக்தி அமைச்சகத்திடம் (MNRE) மட்டுமே சமர்ப்பிக்கப்பட வேண்டும்.
இந்த வழிகாட்டுதல்கள் வெளிநாட்டினரின் பங்கேற்பு மற்றும் பணியாளர் நியமனம் ஆகியவற்றின் மீதும் கட்டுப்பாடுகளை விதிக்கின்றன.
உள்துறை அமைச்சகத்தின் அனுமதியின்றி பாகிஸ்தான், வங்கதேசம் மற்றும் சீனாவைச் சேர்ந்த பொறியாளர்கள், பணியாளர்கள் அல்லது தொழிலாளர்களை விண்ணப்ப தாரர்கள் ஈடுபடுத்தக்கூடாது என்று இதில் குறிப்பிடப்பட்டுள்ளது.
LAC-க்கு அருகிலுள்ள தற்போதைய புதுப்பிக்கத்தக்க எரிசக்தித் திட்டங்கள் பெரும்பாலும் சிறிய அளவிலானவை; அதேசமயம் ராஜஸ்தான் மற்றும் குஜராத்தில் உள்ள சர்வதேச எல்லைப் (IB) பகுதிகளை ஒட்டியுள்ள திட்டங்கள் ஒப்பீட்டளவில் பெரியவை.
ஜம்மு-காஷ்மீரில், கட்டுப்பாட்டுக் கோடு (LoC) பகுதியையொட்டி பெரும்பாலும் கட்டிடங்களின் கூரைகளில் அமைக்கப்படும் சூரியமின் சக்தித் திட்டங்களே (solar rooftop installations) உள்ளன; அதே வேளையில் கார்கில் மற்றும் லடாக் பகுதிகளில் சூரிய சக்தி ஒளி மின்னழுத்த (solar photovoltaic) திட்டங்கள் உள்ளன.