சுற்றுச்சூழல் செய்திகள்

படைச்சிறுத்தை மீதான மேகாலயாவின் பாதுகாப்புத் திட்டம்

August 12 , 2026 21 hrs 0 min 41 0

மேகாலயா மாநில முதலமைச்சர் கான்ராட் கே. சங்மா, படைச்சிறுத்தை பாதுகாப்புத் திட்டத்தைத் தொடங்கி வைத்தார்.
மாநில விலங்கான படைச்சிறுத்தையைப் (நியோஃபெலிஸ் நெபுலோசா) பாதுகாப்பதே இதன் நோக்கம்.
இது போர்னியோ மற்றும் சுமாத்ரா தீவுகளில் காணப்படும் சுண்டா படைச் சிறுத்தையிலிருந்து வேறுபட்டது.
படைச்சிறுத்தையானது, பன்னாட்டு இயற்கை பாதுகாப்பு ஒன்றியத்தின் (IUCN) செந்நிறப் பட்டியலில் "எளிதில் பாதிக்கப்படக்கூடிய இனம்" எனப் பட்டியலிடப் பட்டு உள்ளது.
மேலும் இது, 1972 ஆம் ஆண்டின் வனவிலங்கு (பாதுகாப்பு) சட்டத்தின் அட்டவணை I-இன் கீழ் பாதுகாக்கப்படுகிறது.
பூடான், மியான்மர், தாய்லாந்து, தீபகற்ப மலேசியா மற்றும் வடகிழக்கு இந்தியாவின் சில பகுதிகள் இதன் உலகளாவிய வாழிடங்களில் அடங்கும்.
இதற்கு மாறாக, வங்கதேசம், வியட்நாம் மற்றும் சீனாவின் பெரும் பகுதிகளில் இதன் எண்ணிக்கை கடுமையாகக் குறைந்துள்ளது.
சிங்கப்பூர் மற்றும் தைவானில் இது உள்ளூரில் அழிந்துவிட்டது.
இந்தியாவில், இது சிக்கிம், வடக்கு மேற்கு வங்காளம், திரிபுரா, மிசோரம், மணிப்பூர், அசாம், நாகாலாந்து மற்றும் அருணாச்சல பிரதேசம் ஆகிய மாநிலங்களிலும், மேகாலயாவின் மிதவெப்பமண்டல காடுகளிலும் காணப்படுகிறது.