சுற்றுச்சூழல் செய்திகள்

பல்லுயிர் பாரம்பரியத் தளம் - போர்ஜூலி ஈரநிலம்

July 8 , 2026 16 hrs 0 min 20 0

ஒரைசா ருஃபிபோகன் என்ற காட்டு நெல் வகையைப் பாதுகாப்பதற்காக, அஸ்ஸாமில் உள்ள போர்ஜூலி ஈரநிலம் அதிகாரப்பூர்வமாக பல்லுயிர் பாரம்பரியத் தளமாக (BHS) அறிவிக்கப்பட்டுள்ளது.
சோனித்பூர் மாவட்டத்தில் அமைந்துள்ள இந்த ஈரநிலமானது, பயிரிடப்படும் நெல்லின் (ஒரைசா சடைவா) காட்டு மூதாதையினத்தைப் பாதுகாக்கும் ஒரு முக்கியமான நன்னீர் சதுப்பு நிலமாகும்.
ஒரைசா ருஃபிபோகன் இயற்கையாகவே பல பூச்சிகள், நோய்கள், வெள்ளம் மற்றும் உவர்ப்புத்தன்மை போன்ற நிலைகளை எதிர்க்கும் தன்மை கொண்டுள்ளதுடன் இது பருவநிலையைத் தாங்கி வளரும் நெல் வகைகளை உருவாக்குவதில் மதிப்புமிக்கதாக அமைகிறது.
இந்திய வேளாண் ஆராய்ச்சி சபை-தேசிய தாவர மரபணு வளப் பணியகம் (ICAR-NBPGR) மற்றும் அஸ்ஸாம் மாநில பல்லுயிர் வாரியத்தின் ஆதரவுடன் இந்தத் தளம் அதன் இயற்கை வாழிடத்திலேயே பாதுகாக்கப்படுகிறது.
தனித்துவமான சுற்றுச்சூழல் அமைப்புகள், அரிய சிற்றினங்கள் மற்றும் முக்கியமான மரபணு வளங்களைப் பாதுகாப்பதற்காக, 2002 ஆம் ஆண்டு உயிரியல் பன்முகத் தன்மைச் சட்டத்தின் 37வது பிரிவின் கீழ் பல்லுயிர்ப் பாரம்பரியத் தளங்கள் (BHS) அறிவிக்கப் படுகின்றன.