இதரச் செய்திகள்

பழமையான நுண்ணுயிர் வாழ்க்கையின் தடயங்கள்

August 24 , 2026 11 hrs 0 min 19 0

கிழக்கு இந்தியாவில் உள்ள ஒரு பாறையில் குறைந்தது 3.5 பில்லியன் ஆண்டுகளுக்கு முந்தைய நுண்ணுயிர் வாழ்க்கையின் ஆதாரங்களை ஆராய்ச்சியாளர்கள் கண்டறிந்துள்ளனர்.
இந்தப் பாறையானது ஜார்கண்ட் மற்றும் ஒடிசாவின் சில பகுதிகளை உள்ளடக்கிய சிங்பூம் நிலைக் கண்டப்பகுதியில் (Singhbhum Craton) உள்ள பிதார்தாரியில் (Bhitardari) கண்டறியப்பட்ட கார்பன் கலந்த கருங்கல் ஆகும்.
ஆய்வு செய்யப்பட்ட எட்டு சிர்கான் படிகங்களில் (zircon crystals) நான்கு சுமார் 3,497 மில்லியன் ஆண்டுகள் வயதைக் கொடுத்தன, இது பாறையின் வயதை நிறுவுவதற்கு உதவியது.
கார்பன் ஐசோடோப்பு வடிவங்கள் மற்றும் சிதைந்த கரிமப் பொருட்கள் உள்ளிட்ட வேதியியல் சான்றுகள், கார்பன் உயிரினங்களால் உற்பத்தி செய்யப்பட்டது என்பதைக் குறிக்கின்றன.
உறுதிப்படுத்தப்பட்ட உயிரி-கையெழுத்துடன் (biosignature) நேரடியாகக் கணிக்கப் பட்ட மிகப்பழமையான பாறையாக இந்தக் கண்டுபிடிப்பு இருக்கலாம் என ஆராய்ச்சியாளர்கள் கூறுகின்றனர்.
பூமி உருவாகி சுமார் 1 பில்லியன் ஆண்டுகளுக்குப் பிறகு, பூமியின் வரலாற்றில் ஒப்பீட்டளவில் மிக விரைவாகவே நுண்ணுயிர் வாழ்க்கை இருந்ததை இந்தக் கண்டுபிடிப்பு உணர்த்துகிறது.