சுற்றுச்சூழல் செய்திகள்

பிச்சாவரம் சதுப்புநிலக் காடுகள் மறுசீரமைப்பு

September 22 , 2026 12 days 138 0

இந்திய தேசிய நெடுஞ்சாலை ஆணையம் (NHAI) மற்றும் வனத்துறை இணைந்து கடலூர் மாவட்டம் பிச்சாவரத்தில் ₹1.97 கோடி செலவில் 25 ஹெக்டேர் பரப்பளவில் புதிய சதுப்புநிலக் (மாங்குரோவ்) காடுகளை உருவாக்கியுள்ளன.
சதுப்புநிலக் காடுகள் என்பவை உப்பைத் தாங்கக்கூடிய கடலோரத் தாவரங்கள் ஆகும். இவை கடற்கரைகளை அரிப்பு, புயல்கள் மற்றும் பேரலைகளிலிருந்து பாதுகாப்பதுடன், மீன்கள் மற்றும் பிற கடல்வாழ் உயிரினங்களுக்குப் பாதுகாப்பான வாழ்விடங்களையும் வழங்குகின்றன, மேலும் கார்பனைச் சேமிக்கவும் உதவுகின்றன.
வனத்துறை நாற்றங்காலில் 75,000-க்கும் மேற்பட்ட ரைசோஃபோரா அபிகுலாட்டா (Rhizophora apiculata) மரக்கன்றுகள் வளர்க்கப்பட்டு திருத்தப்பட்ட மீன்-எலும்பு முறையில் நடப் பட்டன.
கிழக்கு கடற்கரை சாலை மற்றும் தேசிய நெடுஞ்சாலை (NH)-332A விரிவாக்கத்தின் போது ஏற்படும் சதுப்புநில இழப்பை ஈடுகட்ட இந்த மர வளர்ப்பு திட்டமிடப்பட்டது; மரக்காணம் முகத்துவாரத்தில் ஏற்பட்ட உண்மையான சேதம் 0.15 ஹெக்டேர் மற்றும் 100-க்கும் மேற்பட்ட மரங்கள் மட்டுமே என்ற அளவிற்கு குறைக்கப்பட்டது.
செங்கல்பட்டு மற்றும் விழுப்புரம் மாவட்டங்களில் பொருத்தமான நிலம் கிடைக்காததை அடுத்து, பிச்சாவரம் சதுப்புநிலப் பகுதியில் வண்டல்முனை, எம்.ஜி.ஆர் திட்டு மற்றும் கொட்டுமுனை ஆகிய மூன்று இடங்கள் தேர்ந்தெடுக்கப் பட்டன.