தேசியச் செய்திகள்

பிரதான் மந்திரி சமாஜிக் சகாயதா யோஜனா

October 25 , 2026 14 hrs 0 min 49 0

மத்திய அமைச்சரவை தேசிய சமூக உதவித் திட்டத்தை (NSAP) 2026-27 முதல் 2030-31 ஆம் ஆண்டு வரை ₹53,428 கோடி மதிப்பீட்டில் தொடர ஒப்புதல் அளித்ததுடன், இது பிரதான் மந்திரி சமாஜிக் சகாயதா யோஜனா என மறுபெயரிடப்பட்டுள்ளது.
அரசியலமைப்பின் சரத்து 41-க்கு இணங்க, ஏழை குடும்பங்களுக்கு சமூக உதவிகளை வழங்குவதற்காக 1995 ஆம் ஆண்டு ஆகஸ்ட் 15 அன்று NSAP தொடங்கப்பட்டது.
இத்திட்டம் 3.20 கோடி பயனாளிகளை உள்ளடக்கியதுடன், மூத்த குடிமக்கள், விதவைகள் மற்றும் மாற்றுத்திறனாளிகளுக்கான ஓய்வூதியம் மற்றும் குடும்ப நலன்களையும் உள்ளடக்கியது.
மாற்றுத்திறனாளி ஓய்வூதியத் தகுதி 80% லிருந்து 40% ஆக விரிவுபடுத்தப்பட்டுள்ளதுடன், குறைந்தபட்ச வயது வரம்பும் நீக்கப்பட்டுள்ளது.
மாற்றுத்திறனாளி ஓய்வூதியத்திற்கான மத்திய அரசின் உதவி 79 வயது வரை மாதத்திற்கு ₹375 ஆகவும், 80 வயது மற்றும் அதற்கு மேற்பட்டவர்களுக்கு மாதத்திற்கு ₹625 ஆகவும் உயர்த்தப்பட்டுள்ளது.