TNPSC Thervupettagam
✖
 
04, Feb 2026
TNPSC Group I Topper Corner
தமிழ் English
தேடல்
தமிழ்நாட்டுச் செய்திகள்

பெண்ணையாறு நதிநீர்ப் பிரச்சினைக்கான தீர்ப்பாயம்

February 4 , 2026 14 hrs 0 min 27 0
  • தமிழ்நாடு மற்றும் கர்நாடகா மாநிலங்களுக்கு இடையே உள்ள பெண்ணையாறு நதி நீர்ப் பிரச்சினையைத் தீர்க்க ஒரு தீர்ப்பாயத்தை அமைக்க மத்திய அரசுக்கு உச்ச நீதிமன்றம் உத்தரவிட்டுள்ளது.
  • மாநிலங்களுக்கு இடையேயான நதிநீர்ப் பிரச்சினைகள் தீர்ப்பாயத்தை அமைப்பதற்கான அறிவிப்பை ஒரு மாதத்திற்குள் வெளியிட வேண்டும் என்று மத்திய அரசுக்கு அது உத்தரவிட்டது.
  • மாநிலங்களுக்கு இடையேயான ஒரு நதியின் நீர் ஓட்டம் ஒரு தேசியச் சொத்து என்றும், எந்த ஒரு மாநிலமும் அதன் நீரின் மீது பிரத்தியேக உரிமையைக் கோர முடியாது என்றும் தமிழ்நாடு இங்கு வாதிட்டது.
  • நதிநீர் தொடர்பான 1892 ஆம் ஆண்டு ஒப்பந்தம் சம்பந்தப்பட்ட மாநிலங்களுக்கு "செல்லுபடியாகும் மற்றும் கட்டுப்படுத்தும் தன்மை கொண்டது" என்றும் இந்த மாநிலம் கூறியது.
  • ஒரு நதி என்பது, அதில் நேரடியாகவோ அல்லது மறைமுகமாகவோ நீரை வழங்கும் நீரோடை, துணை நதிகள் மற்றும் பிற நீர்வழிகளையும் உள்ளடக்கியது என்றும் இந்த மாநிலம் கூறியது.
  • கர்நாடகா மற்றும் தமிழ்நாடு ஆகிய இரு மாநிலங்களிலும் நீர்ப்பிடிப்புப் பகுதியைக் கொண்ட முக்கிய துணை நதியான மார்க்கண்டேய நதியை, அந்த ஒப்பந்தத்தின் வரம்பிற்கு அப்பாற்பட்டதாகக் கருத முடியாது.
  • தென்பெண்ணை ஆறு தமிழில் தென்பெண்ணை அல்லது பொன்னையாறு அல்லது பெண்ணையாறு என்று அழைக்கப் படுகிறது.
  • 497 கி. மீ நீளமுள்ள இது, காவேரிக்கு அடுத்தபடியாக தமிழ்நாட்டின் இரண்டாவது நீளமான நதியாகும்.
  • இந்த நதி கர்நாடகாவின் சிக்கபல்லாப்பூர் மாவட்டத்தில் உள்ள நந்தி மலையில் உருவாகி, தமிழ்நாட்டின் வழியாகப் பாய்ந்து வங்காள விரிகுடாவில் கலக்கிறது.
  • இந்த நதியின் மீது கட்டப்பட்டுள்ள மிகப்பெரிய அணை திருவண்ணாமலைக்கு அருகிலுள்ள சாத்தனூர் அணை ஆகும்.
  • இது ஒரு டெல்டாவாகப் பிரிகிறது என்ற நிலையில் அதன் மீது கடலூர் நகரம் அமைந்துள்ளது.


Post Views:
27

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்