TNPSC Thervupettagam
✖
 
28, Jul 2026
TNPSC Group I Topper Corner
தமிழ் English
தேடல்
மாநிலச் செய்திகள்

மத்தியப் பிரதேசத்தில் பொது சிவில் சட்ட மசோதா

July 24 , 2026 4 days 61 0
  • மத்தியப் பிரதேச அமைச்சரவை பொது சிவில் சட்ட (UCC) மசோதாவிற்கு ஒப்புதல் அளித்துள்ளது.
  • அரசியலமைப்பின் 342 மற்றும் 366 (பிரிவு 25) ஆகிய சரத்துகளின் கீழ் வரும் பழங்குடியினச் சமூகங்களின் "தனித்துவமான கலாச்சாரப் பாரம்பரியம் மற்றும் பாரம்பரிய வாழ்க்கை முறையை" பாதுகாக்கும் பொருட்டு, அவர்கள் இந்தச் சட்டத்தின் வரம்பிலிருந்து விலக்கப்பட்டுள்ளனர்.
  • பொது சிவில் சட்டம் இந்த மாநிலத்தில் உள்ள அனைவருக்கும் சம அந்தஸ்து வழங்கும்.
  • இந்த மாநிலத்தில் பலதார மணம் இனி செல்லுபடியாகாது.
  • வாய்மொழி விவாகரத்து அல்லது முறைசாரா பஞ்சாயத்துகளால் எடுக்கப்படும் முடிவுகள் முற்றிலும் சட்டவிரோதமானவை என அறிவிக்கப்பட்டுள்ளன.
  • இனிமேல், சட்டத்தால் பரிந்துரைக்கப்பட்ட தெளிவான மற்றும் சட்டப் பூர்வமான காரணங்களின் அடிப்படையில் மட்டுமே ஒரு திருமணத்தை ரத்து செய்ய முடியும்.
  • சேர்ந்து வாழும் உறவில் இருப்பவர்கள் ஒரு மாதத்திற்குள் பதிவு செய்ய வேண்டும்.
  • சேர்ந்து வாழும் உறவில் நுழைவதற்கான குறைந்தபட்ச வயது 18 ஆக இருந்தாலும், முன்மொழியப்பட்ட சட்டத்தின்படி, இருவரில் ஒருவர் 21 வயதுக்குக் குறைவாக இருந்தால், சேர்ந்து வாழும் உறவின் தொடக்கம் மற்றும் முடிவு குறித்த தகவல்கள் அவர்களின் பெற்றோர் அல்லது பாதுகாவலர்களுக்கு அனுப்பப்படும் என்றும், பதிவாளர் அந்தப் பதிவை உள்ளூர் காவல்துறையுடனும் பகிர்ந்து கொள்வார் என்றும் கூறப்பட்டுள்ளது.
  • கிராமம் வரை திருமணப் பதிவு கட்டாயமாக்கப்படும்.
  • இது பலதார மணம் மற்றும் நிகாஹ் ஹலாலா போன்ற நடைமுறைகளுக்குத் தடை விதிக்கப் பரிந்துரைக்கிறது.
  • பெண்களுக்கான திருமண உரிமைகள், ஜீவனாம்சம் மற்றும் பல்வேறு சட்டப் பாதுகாப்புகளை உறுதி செய்வதற்காக, அனைத்துச் சமூகங்களிலும் திருமணங்கள் மற்றும் விவாகரத்துகளை அரசாங்க இணையதளங்கள் மூலம் பதிவு செய்வது கட்டாயமாக்கப்படும்.
  • திருமணமான அல்லது திருமணமாகாத பெற்றோரின் குழந்தைகள்—அவர்கள் உயிரியல் ரீதியானவர்களாகவோ, தத்தெடுக்கப்பட்டவர்களாகவோ, அல்லது வாடகைத் தாய் மூலமாகவோ அல்லது உதவி இனப்பெருக்கத் தொழில்நுட்பம் (ART) மூலமாகவோ பிறந்தவர்களாகவோ இருந்தாலும்—சமமான சட்ட அந்தஸ்தைப் பெறுவார்கள்.
  • மேலும், இது மகன்களுக்கும் மகள்களுக்கும் அவர்களின் திருமண நிலையைப் பொருட்படுத்தாமல் சமமான வாரிசுரிமைகளை வழங்க முயல்கிறது.

 


Post Views:
61

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்