TNPSC Thervupettagam
✖
 
14, May 2025
TNPSC Group I Topper Corner
தமிழ் English
தேடல்
தேசியச் செய்திகள்

மனித உரிமைகள் பாதுகாப்பு (திருத்த) மசோதா 2019

August 2 , 2019 2112 days 4789 0
  • மனித உரிமைகள் பாதுகாப்புச் சட்டம், 1993 ஐ திருத்தும் மனித உரிமைகள் பாதுகாப்பு (திருத்த) மசோதா 2019 ஆனது நாடாளுமன்றத்தின் இரு அவைகளாலும் நிறைவேற்றப்பட்டது.
  • 1993 ஆம் ஆண்டுச் சட்டத்தின்படி, தேசிய மனித உரிமைகள் ஆணையத்தின் (National Human Rights Commission - NHRC) தலைவராக நியமிக்கப்படுபவர் ஓய்வு பெற்ற உச்ச நீதிமன்றத் தலைமை நீதிபதியாக இருக்க வேண்டும்.
  • ஆனால் தற்பொழுது இந்தியாவின் தலைமை நீதிபதியோ அல்லது ஏதேனும் உச்ச நீதிமன்ற நீதிபதியோ  இந்த ஆணையத்தின் தலைவராக நியமிக்கப்படலாம்.
  • இது போலவே, மாநில மனித உரிமைகள் ஆணையமானது ஓய்வு பெற்ற தலைமை நீதிபதி அல்லாமல் உயர் நீதிமன்றத்தின் தலைமை நீதிபதி உள்பட எந்தவொரு உயர் நீதிமன்ற நீதிபதியின் தலைமையிலும் செயல்படலாம்.
  • முந்தைய சட்டமானது மனித உரிமைகள் குறித்த அறிவைக் கொண்ட 2 நபர்களை NHRCன் உறுப்பினர்களாக நியமிக்க வழிவகை செய்கின்றது.
  • ஆனால் திருத்தப்பட்ட மசோதாவானது மூன்று நபர்களை உறுப்பினர்களாக நியமிக்கவும், அவர்களில் குறைந்தபட்சம் ஒரு நபராவது பெண்ணாக இருக்கவும் வழிவகை செய்கின்றது.
  • இந்தத் திருத்தமானது உறுப்பினர்களின் பதவிக் காலம் 3 ஆண்டுகள் அல்லது உறுப்பினர்கள்  70 வயதைப் பூர்த்தி செய்யும் வரை, இவற்றில் எது முதலில் வருகிறதோ அவற்றின் அடிப்படையில் உறுப்பினர்களின் பதவிக் காலத்தை குறைத்துள்ளது. இதற்கு முன்பு உறுப்பினர்களின் பதவிக் காலம் 5 ஆண்டுகளாகும்.
  • மேலும் இந்தத் திருத்தம் NHRC மற்றும் SHRC-ன் உறுப்பினர்களை 5 ஆண்டு காலத்திற்கு மீண்டும் உறுப்பினர்களாக நியமிக்க அனுமதிக்கின்றது. இவ்வகையில் இந்தத் திருத்தமானது “மறு நியமனத்திற்கான” 5 ஆண்டு காலக் கட்டுப்பாட்டை நீக்கியுள்ளது.
  • 1993 ஆம் ஆண்டின் சட்டமானது NHRCன் பொதுச் செயலாளர் மற்றும் SHRC-ன் செயலாளர் என்ற பதவிகளை உருவாக்க வழிவகை செய்துள்ளது. இவர்கள் NHRC மற்றம் SHRCன் தலைவர்களினால் அவர்களுக்கு வழங்கப்பட்ட அதிகாரங்களை செயல்படுத்துவர்.
  • இந்தத் திருத்தத்திற்குப் பின்பு, NHRC மற்றும் SHRCன் (State Human Rights Commission) தலைவர்களின் கட்டுப்பாட்டிற்கு உட்பட்டு பொதுச் செயலாளர்கள் நீதி சார்ந்த பணிகளைத் தவிர, அனைத்து நிர்வாக மற்றும் நிதி சார்ந்த (நீதி சாராத) பணிகளை மேற்கொள்வர்.
  • தற்போதைய மனித உரிமைகள் ஆணையம் பிற்படுத்தப்பட்ட  வகுப்பினர்களுக்கான தேசிய ஆணையத்தின் தலைவர், குழந்தை உரிமைகள் பாதுகாப்புக்கான தேசிய ஆணையத்தின் தலைவர் மற்றும் மாற்றுத் திறனாளிகளுக்கான தலைமை ஆணையர் ஆகியோர் இதன் உறுப்பினர்களாக நியமிக்கப்பட வேண்டும்.
  • இந்த மசோதாவானது ஒன்றியப் பிரதேசங்களினால் மேற்கொள்ளப்படும் மனித உரிமை ஆணையத்தின் பணிகளை தேவைப்பட்டால் மத்திய அரசு அப்பணிகளை SHRC மேற்கொள்ள வழிவகை செய்கின்றது. புது தில்லியைப் பொறுத்தவரை மனித உரிமைகள் தொடர்பான பணிகளை தேசிய மனித உரிமைகள் ஆணையமே கவனிக்கும்.

Post Views:
4789

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்