TNPSC Thervupettagam
✖
 
08, Jun 2025
TNPSC Group I Topper Corner
தமிழ் English
தேடல்
தேசியச் செய்திகள்

மனித மேம்பாட்டுக் குறியீடு 2021

September 12 , 2022 1000 days 3532 0
  • ஐக்கிய நாடுகளின் மேம்பாட்டுத் திட்ட அமைப்பானது சமீபத்தில், மனித மேம்பாட்டுக் குறியீட்டினை வெளியிட்டது.
  • முதன்முறையாக, உலக மனித மேம்பாட்டுக் குறியீடு (HDI) ஆனது தொடர்ந்து இரண்டு ஆண்டுகளாக வீழ்ச்சியடைந்துள்ளது.
  • நிலையான மேம்பாட்டிற்கான 2030 ஆம் ஆண்டுச் செயல்பாட்டு நிரல் மற்றும் பாரீஸ் உடன்படிக்கையை ஏற்றுக் கொண்ட பிறகான போக்கில் உலகை மீண்டும் இது கொண்டு சென்றது.
  • 2020 அல்லது 2021 ஆம் ஆண்டில் சுமார் 90 சதவீத நாடுகள் தங்கள் மனித மேம்பாட்டுக் குறியீட்டின் மதிப்பில் சரிவு பதிவாகியுள்ளதாக இந்த அறிக்கை கூறுகிறது.
  • 2021 ஆம் ஆண்டு மனித மேம்பாட்டுக் குறியீட்டில் சுவிட்சர்லாந்து, நார்வே மற்றும் ஐஸ்லாந்து ஆகிய நாடுகள் முதலிடத்தில் உள்ளன.
  • 2021-2022 ஆம் ஆண்டில் 191 நாடுகள் மற்றும் பிராந்தியங்களில் இந்தியா 132வது இடத்தில் உள்ளது.
  • கடந்த ஆண்டு இந்தியா 131வது இடத்தில் இருந்தது.
  • இந்தியாவின் சமீபத்திய மனித மேம்பாட்டுக் குறியீட்டு மதிப்பானது (0.633) 2020 ஆம் ஆண்டு அறிக்கையின் 0.645 என்ற மதிப்பை விடக் குறைவாக, இந்திய நாட்டினை நடுத்தர மனித வளர்ச்சிப் பிரிவில் வைத்துள்ளது.
  • இது உலகச் சராசரியான 0.732 என்ற மதிப்பை விடக் குறைவாகும்.
  • 1990 ஆம் ஆண்டில், பாகிஸ்தானியப் பொருளாதார நிபுணர் மஹ்பூப்-உல்-ஹக் மனித மேம்பாட்டுக் குறியீட்டை (HDI) உருவாக்கினார்.
  • இது மனித மேம்பாட்டின் மூன்று அடிப்படைப் பரிமாணங்களில் சராசரிச் சாதனைகளை அளவிடுகிறது.
    • நீளமான மற்றும் ஆரோக்கியமான வாழ்க்கை
    • கல்விக்கான அணுகல் மற்றும்
    • முறையான வாழ்க்கைத் தரம்.
  • இது பின்வரும் நான்கு குறிகாட்டிகளைப் பயன்படுத்திக் கணக்கிடப்படுகிறது
    • பிறப்பு நிலையில் எதிர்பார்க்கப்பட்ட ஆயுட்காலம்
    • சராசரி பள்ளிக்கல்வி ஆண்டுகள்
    • எதிர்பார்க்கப்படும் பள்ளிக் கல்வி ஆண்டுகள், மற்றும்
    • மொத்தத் தனிநபர் தேசிய வருமானம்.


Post Views:
3532

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்