TNPSC Thervupettagam

மாபெரும் முக்கோணவியல் அளவை நிலையங்கள்

November 15 , 2026 6 hrs 0 min 30 0
  • தமிழ்நாடு நில அளவை மற்றும் நிலவரித் திட்டத் துறையும், தமிழ்நாடு அரசு தொல்லியல் துறையும் இணைந்து மாநிலத்தில் உள்ள மாபெரும் முக்கோணவியல் அளவை (GTS) நிலையங்களை ஆவணப்படுத்தி, அதன் விவரங்களை ஐந்து தொகுதிகளாக வெளியிட்டுள்ளன.
  • ஆங்கிலேயர் ஆட்சியின் போது, 1802 ஆம் ஆண்டு ஏப்ரல் 10 அன்று சென்னையில் உள்ள பரங்கிமலையில் (செயின்ட் தாமஸ் மவுண்ட்) கர்னல் வில்லியம் லாம்ப்டன் என்பவரால் மாபெரும் முக்கோணவியல் அளவைப் பணி தொடங்கப்பட்டது.
  • புவியியல் அமைவிடங்களை அளவிடுவதற்கு தியோடோலைட் (Theodolite) கருவிகளைப் பயன்படுத்தி, 1871 ஆம் ஆண்டு வரை 70 ஆண்டுகள் இந்த அளவைப் பணி தொடர்ந்தது.
  • தமிழ்நாடு உட்பட இந்தியா முழுவதும் பல்வேறு மாபெரும் முக்கோணவியல் அளவை நிலையங்கள் நிறுவப்பட்டன; இவை இந்திய நில அளவைத் துறையின் (Survey of India) அதிகார வரம்பிற்குள் உள்ளன.
  • அடையாளம் காணப்பட்ட நிலையங்கள், அவற்றின் அளவைப் பணிகள் மற்றும் புவியியல் ஆயத்தொலைவுகள் குறித்த விவரங்கள் இந்த ஐந்து தொகுதிகளில் இடம்பெற்றுள்ளன.
  • இந்த வரலாற்றுச் சிறப்புமிக்க நிலையங்களைப் பாதுகாப்பதும், தமிழ்நாட்டில் எதிர்கால நவீன நில அளவைப் பணிகளுக்கு ஆதரவளிப்பதும் இந்த ஆவணப்படுத்தலின் நோக்கமாகும்.

 

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்