TNPSC Thervupettagam
✖
 
22, Jun 2026
TNPSC Group I Topper Corner
தமிழ் English
தேடல்
தமிழ்நாட்டுச் செய்திகள்

மேகதாது திட்டத்திற்கு எதிரான தீர்மானம்

June 21 , 2026 16 hrs 0 min 43 0
  • கர்நாடக அரசின் மேகதாது அணைத் திட்டத்திற்கு எதிராக 2026 ஆம் ஆண்டு ஜூன் 19 அன்று தமிழ்நாடு சட்டமன்றத்தில் ஒருமனதாக தீர்மானம் நிறைவேற்றப்பட்டது.
  • மேகதாது திட்டத்தை "ஏற்க முடியாதது" மற்றும் "அனுமதிக்க முடியாதது" என்று குறிப்பிட்ட தமிழ்நாடு, இது குறித்து புதிய தீர்ப்பாயம் அமைக்கக் கோரியுள்ளது.
  • காவிரியின் குறுக்கே மேகதாதுவில் ஒரு சமநிலை நீர்த்தேக்கத்தை அமைப்பதற்கான கர்நாடகாவின் தன்னிச்சையான திட்டத்திற்கு இத்தீர்மானம் எதிர்ப்புத் தெரிவித்து உள்ளது.
  • இத்திட்டமானது காவிரி நீர் விவாத நடுவர் மன்றத்தின் இறுதித் தீர்ப்பு (2007 ஆம் ஆண்டு பிப்ரவரி 5) மற்றும் இந்திய உச்ச நீதிமன்றத்தின் தீர்ப்பு (2018 ஆம் ஆண்டு பிப்ரவரி 16) ஆகியவற்றை மீறுவதாக அத்தீர்மானத்தில் தெரிவிக்கப்பட்டுள்ளது.
  • மேகதாது திட்டத்திற்கு எவ்வித தொழில்நுட்ப அல்லது சுற்றுச்சூழல் அனுமதியையும் வழங்க வேண்டாம் என இத்தீர்மானம் ஒன்றிய அரசை வலியுறுத்தியுள்ளது.
  • காவிரிப் படுகை ஒரு பற்றாக்குறைப் படுகை என்றும், அதில் கிடைக்கும் நீர் ஏற்கனவே படுகை மாநிலங்களுக்கு இடையே பங்கிடப்பட்டுள்ளது என்றும் அதில் சுட்டிக் காட்டப் பட்டுள்ளது.
  • மாநிலங்களுக்கு இடையிலான நதிநீர்ச் சிக்கல்கள் சட்டம், 1956'-இன் பிரிவு 4-இன் கீழ் புதிய தீர்ப்பாயத்தை அமைக்க வேண்டும் என ஒன்றிய அரசைப் பேரவை கேட்டுக் கொண்டதோடு, கர்நாடகாவின் விரிவான திட்ட அறிக்கையை (DPR) பரிசீலிக்கவோ அல்லது அங்கீகரிக்கவோ கூடாது என மத்திய நீர் ஆணையத்தையும் வலியுறுத்தி உள்ளது.

 


Post Views:
43

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்