TNPSC Thervupettagam
✖
 
09, Jan 2026
TNPSC Group I Topper Corner
தமிழ் English
தேடல்
இதரச் செய்திகள்

யுனெஸ்கோவின் மகத்தான கலாச்சார பாரம்பரிய அமர்வு 2025

December 16 , 2025 24 days 84 0
  • இந்தியா முதன்முறையாக புது டெல்லியின் செங்கோட்டையில் யுனெஸ்கோவின் அரசுகளுக்கிடையேயான குழுவின் (IGC) 20வது அமர்வை நடத்தியது.
  • இந்த அமர்வு என்பது, 2003 ஆம் ஆண்டு மகத்தான கலாச்சாரப் பாரம்பரியத்தைப் பாதுகாப்பதற்கான உடன்படிக்கையினை (ICH) இந்தியா அங்கீகரித்ததன் 20வது ஆண்டு நிறைவை ஒட்டி நடைபெற்றது.
  • 2025 ஆம் ஆண்டு டிசம்பர் 08 முதல் 13 ஆம் தேதி வரை நடைபெற்ற இந்த அமர்வின் போது இருபத்தி நான்கு உறுப்பினர் நாடுகள் 67 உயிர்ப்பு மிக்கப் பாரம்பரியக் கூறுகளை ஆய்வு செய்தன.
  • இவற்றில் அவசரப் பாதுகாப்பு தேவைப்படும் ICH பட்டியலில் 11 கூறுகள், மனித குலத்தின் ICH பட்டியலின் பிரதிநிதித்துவப் பட்டியலில் 53 கூறுகள் மற்றும் நல்ல பாதுகாப்பு நடைமுறைகளின் பதிவேட்டில் 1 திட்டம் ஆகியவை அடங்கும்.
  • அவசரப் பாதுகாப்புப் பட்டியலில் இருந்து இரண்டு கூறுகள் பிரதிநிதித்துவப் பட்டியலுக்கு மாற்றப்பட்டன என்பதோடு அவற்றில் முவாசிந்திகா ஆன்மீக நடனம் (கென்யா) மற்றும் டோங் ஹோ நாட்டுப்புற படக்கட்டை அச்சிடுதல் (வியட்நாம்) ஆகியவை அடங்கும்.
  • ஒன்பது பன்னாட்டுக் கூறுகள் இதில் சேர்க்கப்பட்டன என்பதோடு மேலும் பார்படாஸ், சாட், கொமொரோஸ், எல் சால்வடார், காபோன், லிபியா மற்றும் சாவோ டோம் மற்றும் பிரின்சிப் ஆகிய ஏழு நாடுகளின் கூறுகள் இதில் முதல் முறையாக சேர்க்கப் பெற்றன.
  • இந்த சேர்த்தல்களுடன், ஆப்பிரிக்காவின் 13 நாடுகளைச் சேர்ந்த ஒன்பது கூறுகளுடன், 157 நாடுகளைச் சேர்ந்த 849 கலாச்சார நடைமுறைகள் தற்போது யுனெஸ்கோவின் உயிர்ப்பு மிக்க பாரம்பரியமாகப் பட்டியலிடப்பட்டுள்ளன.
  • இங்கு சேர்க்கப்பட்ட குறிப்பிட்ட கூறுகள்:
    • அமெச்சூர் நாடகக் குழு - செக்கியா
    • குவார்டெட்டோ இசை - அர்ஜென்டினா
    • கியூபன் சன் (இசை மற்றும் நடனம்) - கியூபா
    • ஜோரோபோ - வெனிசுலா
    • மெவெட் ஓயெங் இசைக் கலை - கேமரூன் மற்றும் காபோன்
    • புரூசெல்ஸின் ராட் மரியோனெட் நாடகக் குழு - பெல்ஜியம்
    • பிஷ்ட் நெசவு மற்றும் தொடர்புடைய நடைமுறைகள் - கத்தார், ஈராக், ஜோர்டான், ஐக்கிய அரபு அமீரகம்
    • ஜாஃபா திருமணப் பாரம்பரியம் - ஆப்பிரிக்கா மற்றும் மத்திய கிழக்கின் சில பகுதிகள்
    • கிஃபாட்டா புத்தாண்டு விழா - எத்தியோப்பியா
  • சீனா (சியாமென்) அடுத்த ICH குழு அமர்வை 2026 ஆம் ஆண்டில் நடத்த உள்ளது.

 


Post Views:
84

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்