TNPSC Thervupettagam
✖
 
24, Sep 2025
TNPSC Group I Topper Corner
தமிழ் English
தேடல்
தேசியச் செய்திகள்

விரிவான மாதிரிக் கணக்கெடுப்பு 2025

August 30 , 2025 25 days 79 0
  • தேசிய மாதிரிக் கணக்கெடுப்பின் (NSS) 80வது சுற்றின் கீழான கல்வி குறித்த விரிவான மாதிரிக் கணக்கெடுப்பு (CMS) தற்போது சேர்ந்துள்ள மாணவர்களுக்கான பள்ளிக் கல்விக்கான வீட்டுச் செலவினங்களை ஆய்வு செய்தது.
  • மொத்த மாணவர் சேர்க்கையில் அரசுப் பள்ளிகள் 55.9 சதவீதமாகும் என்பதோடு இதில் கிராமப்புறங்களில் 66.0 சதவீதமும் நகர்ப்புறங்களில் 30.1 சதவீதமும் உள்ளன.
  • அரசுப் பள்ளி மாணவர்களில் 26.7 சதவீதம் பேர் மட்டுமே பாடக் கட்டணம் செலுத்தினர் என்ற நிலையில் அரசு சாரா பள்ளிகளில் இது 95.7 சதவீதமாக உள்ளது.
  • நகர்ப்புறங்களில் உள்ள தனியார் உதவி பெறாத பள்ளிகளில், 98.0 சதவீத மாணவர்கள் பாடக் கட்டணம் செலுத்தியுள்ளனர்.
  • அரசுப் பள்ளிகளில் ஒரு மாணவருக்கு வீட்டுச் செலவு 2,863 ரூபாயாகவும், அரசு சாரா பள்ளிகளில் 25,002 ரூபாயாகவும் இருந்தது.
  • சராசரியாக ஒரு மாணவருக்கு 7,111 ரூபாயாக உள்ள பாடக் கட்டணம் ஆனது குடும்பங்களுக்கு அதிகபட்ச செலவாக உள்ளது என்பதோடு அதைத் தொடர்ந்து பாடப் புத்தகங்கள் மற்றும் எழுதுபொருட்களுக்கு ஆகும் செலவினம் 2,002 ரூபாயாகவும் இருந்தது.
  • நகர்ப்புற மாணவர்கள் பாடக் கட்டணமாக சராசரியாக 15,143 ரூபாய் செலவிட்டனர், அதே நேரத்தில் கிராமப்புற மாணவர்கள் 3,979 ரூபாய் செலவிட்டனர்.
  • நகர்ப்புறங்களில் 30.7 சதவீதமும் கிராமப்புறங்களில் 25.5 சதவீதமும் என சுமார் 27.0 சதவீத மாணவர்கள் தனியார் பயிற்சியை மேற்கொண்டனர்.
  • பயிற்சிக்கு ஆகும் சராசரி குடும்பச் செலவு நகர்ப்புறங்களில் 3,988 ரூபாயாகவும், கிராமப்புறங்களில் 1,793 ரூபாயாகவும் இருந்தது.
  • உயர்நிலைப் பள்ளியில், பயிற்சிச் செலவுகள் நகர்ப்புறங்களில் 9,950 ரூபாயாகவும், கிராமப்புறங்களில் 4,548 ரூபாயாகவும் இருந்தன.
  • இந்தியா முழுவதும் உள்ள 95.0 சதவீத மாணவர்களுக்கு கல்வி நிதியின் முக்கிய ஆதாரமாக குடும்ப உறுப்பினர்கள் இருந்தனர்.
  • 1.2 சதவீத மாணவர்கள் மட்டுமே அரசாங்க உதவித் தொகையை தங்கள் முதன்மை நிதி ஆதாரமாகச் சார்ந்துள்ளதாக கூறினர்.

 


Post Views:
79

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்