தமிழ்நாட்டுச் செய்திகள்

வெற்றிப் பயணம் திட்டம் - தமிழ்நாடு

October 4 , 2026 2 days 115 0

தமிழ்நாடு முதலமைச்சர் 2026 ஆம் ஆண்டு அக்டோபர் 2 அன்று சென்னையில் உள்ள கோயம்பேட்டில் விரிவாக்கப்பட்ட வெற்றிப் பயணம் திட்டத்தைத் தொடங்கி வைத்தார் என்ற நிலையில் இதன் மூலம் பெண்கள் மற்றும் திருநங்கைகளுக்கான கட்டணமில்லாப் பேருந்துப் பயணம் விரிவுபடுத்தப்பட்டுள்ளது.
இத்திட்டம் 2021 ஆம் ஆண்டு மே மாதத்தில் அறிமுகப்படுத்தப்பட்ட முந்தைய மகளிர் விடியல் பயணம் திட்டத்தை விரிவுபடுத்துகிறது.
இந்த விரிவாக்கமானது, முன்பு உள்ளடக்கப்பட்ட சாதாரண பேருந்து சேவைகளுடன் கூடுதலாக, 40 கி.மீ தூரத்திற்கு அப்பால் உள்ள விரைவு, சொகுசு, புறநகர் சாதாரண மற்றும் மலைவாழ் சாதாரணப் பேருந்துகள், குறைந்த நிறுத்தங்களைக் கொண்ட சேவைகள் (LSS) ஆகியவற்றை உள்ளடக்கியது.
விரிவாக்கப்பட்ட இத்திட்டத்திலிருந்து அரசு விரைவுப் போக்குவரத்துக் கழகப் (SETC) பேருந்துகள் விலக்கப்பட்டுள்ளன.
ஏழு மாநிலப் போக்குவரத்துக் கழகங்களால் இயக்கப்படும் திட்டமிடப்பட்ட பேருந்துகளில் கிட்டத்தட்ட 69% அளவிலான சுமார் 12,692 அரசுப் பேருந்துகளை இத்திட்டம் உள்ளடக்கியது.
இலவசப் பயணங்களைப் பதிவு செய்ய மின்னணு பயணச்சீட்டு இயந்திரம் (ETM) அமைப்புகள் ஒருங்கிணைக்கப்பட்டன; இதன் சோதனை ஓட்டங்கள் 2026 ஆம் ஆண்டு செப்டம்பர் 27 அன்று நடத்தப்பட்டன.