13வது உலக நீர் மாநாடு @ புது தில்லி

October 31 , 2019 2076 days 826 0

அக்டோபர் 30 ஆம் தேதி முதல் அக்டோபர் 31 ஆம் தேதி வரை 13வது உலக நீர் மாநாடானது புது தில்லியில் நடத்தப் பட்டு வருகின்றது.
மத்திய ஜல் சக்தித் துறை அமைச்சர் கஜேந்திர சிங் செகாவத், இந்தியர்களின் தனிநபர் நீர் தேவையில் ஏற்பட்டுள்ள கடுமையான பற்றாக்குறை குறித்து இங்கு குறிப்பிட்டார்.
தனிநபர் நீர்த் தேவையானது சுதந்திரம் அடைந்த போது இருந்த 5,000 கன மீட்டர் முதல் தற்போது 1,540 கன மீட்டர் வரையாக குறைந்து இருக்கின்றது.

சென்னை மற்றும் பெங்களூரு மட்டுமல்ல, முழு நாடும் கேப் டவுன் போல மாறக்கூடும் என்று அவர் இம்மாநாட்டில் குறிப்பிட்டார்.
2017-18 ஆம் ஆண்டில் தென்னாப்பிரிக்காவின் தலைநகரமான கேப் டவுனில் நீர்ப் பிரச்சினை உச்சத்தில் இருந்த போது அந்நகரம் கிட்டத்தட்ட தண்ணீர் இன்றி முழுவதுமாக வறண்டு இருந்தது.
நீர் நுகர்வை நிர்வகிப்பதில் அனைவரின் கவனத்தையும் ஈர்ப்பதற்காக அந்த துறைமுக நகரத்தின் பெரும்பாலான குழாய்கள் அடைத்து வைக்கப் பட்டு அது “சுழிய தினம்” என்ற ஒரு கருத்தை அங்கு அறிமுகப் படுத்தியது.

ஒரு ஆண்டுக்கு மழைப் பொழிவின் மூலம் 1,068 மிமீ மழை நீரையும் 4,000 மில்லியன் கன மீட்டர் நீரையும் இந்தியா பெறுகின்றது. ஆனால் நீர்ப் பற்றாக்குறை கொண்ட நாடாக இந்தியா விளங்குகின்றது.
ஒரு ஆண்டுக்கு 100 மி.மீ மழை பெறும் இஸ்ரேல் ஆனது அதிக அளவிலான தண்ணீரைக் கொண்டுள்ளது. அதன் மூலன் அந்நாடு மூல வளங்களை ஏற்றுமதி செய்கின்றது.
உலகில் அதிகமாக நிலத்தடி நீரைச் சார்ந்துள்ள நாடு இந்தியா ஆகும். ஆனால் இந்தியாவிடம் மொத்த நீரைத் தக்க வைத்துக் கொள்ளும் திறன் 300 மில்லியன் கன மீட்டருக்கும் குறைவாக உள்ளது.

Post Views:
826

Your Comment is awaiting moderation.

Your email address will not be published. Required fields are marked *

Comment *

Name *

Email *

Website

Please enter captcha below: