TNPSC Thervupettagam
✖
 
10, Nov 2025
TNPSC Group I Topper Corner
தமிழ் English
தேடல்
தமிழ்நாட்டுச் செய்திகள்

18 மசோதாக்களில் ஒன்பது மசோதாக்களுக்கு ஆளுநரின் ஒப்புதல்

November 7 , 2025 3 days 43 0
  • மாநிலச் சட்டமன்றத்தின் குளிர்காலக் கூட்டத் தொடரில் ஏற்றுக் கொள்ளப்பட்ட 18 மசோதாக்களில் ஒன்பது மசோதாக்களுக்கு ஆளுநர் R.N. ரவி ஒப்புதல் அளித்துள்ளார்.
  • ஆளுநரின் ஒப்புதலைப் பெற்ற ஒன்பது மசோதாக்களில் தமிழ்நாடு நிதிப் பொறுப்பு (திருத்தம்) மசோதா, 2024 அடங்கும்.
  • 2024 ஆம் ஆண்டு பிப்ரவரி மாதத்தில், முதலில் அவையால் ஏற்றுக் கொள்ளப்பட்ட இந்த மசோதாவை ஆளுநர் திருப்பி அனுப்பினார்.
  • இந்த அமர்வின் போது அந்த மசோதா மீண்டும் ஏற்றுக் கொள்ளப்பட்டது.
  • சபைக்குத் திருப்பி அனுப்பப்பட்ட ஒரு மசோதாவிற்கு ஆளுநர் ரவி ஒப்புதல் அளித்தது இதுவே முதல் முறை ஆகும்.
  • மாநில அரசாங்கத்துடன் பல வருடங்களாக ஏற்பட்ட மோதல்களுக்குப் பிறகு, அவர் தனது அரசியலமைப்பு கடமைகளுக்கு இணங்குவதை இது குறிக்கிறது.
  • ஆளுநர்கள் தமது ஒப்புதலைக் காலவரையின்றி தாமதப்படுத்தவோ அல்லது நிறுத்தி வைக்கவோ கூடாது என்றும், அத்தகையச் செயலற்ற தன்மை என்பது பொறுப்பான நிர்வாகத்தின் கொள்கைகளைக் குறைமதிப்பிற்கு உட்படுத்துகிறது என்றும் உச்ச நீதிமன்றம் கூறியதைத் தொடர்ந்து ஆளுநரின் இந்த முடிவு எடுக்கப் பட்டுள்ளது.
  • அக்டோபர் 31 ஆம் தேதி நிலவரப் படி, தமிழ்நாடு சித்த மருத்துவப் பல்கலைக்கழக மசோதா, 2025 உட்பட எட்டு மசோதாக்கள் இன்னும் ஆளுநரின் பரிசீலனையில் உள்ளன.
  • இது முதலில் 2022 ஆம் ஆண்டில் அவையால் ஏற்றுக் கொள்ளப் பட்டாலும், அந்த மசோதாவைத் திருத்துவதற்கான சில பரிந்துரைகளுடன் ஆளுநரால் அது திருப்பி அனுப்பப் பட்டது.
  • சட்டமன்றத்தின் குளிர்காலக் கூட்டத் தொடரில் ஏற்றுக்கொள்ளப்பட்ட 18 மசோதாக்களில், சட்டமன்ற உறுப்பினர்கள் மற்றும் கல்வியாளர்களின் பரவலான விமர்சனங்களுக்குப் பிறகு, மாநில அரசானது 2025 ஆம் ஆண்டு தமிழ்நாடு தனியார் பல்கலைக்கழகங்கள் (திருத்தம்) மசோதவினைத் திரும்பப் பெற்றுள்ளது.
  • ஆளுநரால் ஒப்புதல் அளிக்கப்பட்ட பிற மசோதாக்களில் தமிழ்நாடு ஊதியம்/சம்பளம் வழங்கீட்டு (திருத்தம்) மசோதா; தமிழ்நாடு தள்ளுபடி/ரத்து மசோதா; தமிழ்நாடு ரத்து (இரண்டாவது) மசோதா; தமிழ்நாடு நெடுஞ்சாலைகள் (திருத்தம்) மசோதா; தமிழ்நாடு கடல்சார் வாரியம் (திருத்தம்) மசோதா; தமிழ்நாடு மின்சார நுகர்வு அல்லது விற்பனை மீதான வரி (திருத்தம்) மசோதா; தமிழ்நாடு தனியார் கல்லூரிகள் (ஒழுங்குமுறை) திருத்த மசோதா; மற்றும் தமிழ்நாடு ஒதுக்கீட்டு (எண்.6) மசோதா ஆகியவை அடங்கும்.

 


Post Views:
43

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்