TNPSC Thervupettagam
✖
 
16, Mar 2026
TNPSC Group I Topper Corner
தமிழ் English
தேடல்
தமிழ்நாட்டுச் செய்திகள்

1952 ஆம் ஆண்டு மதராஸ் மாநிலத்தில் தேர்தல்கள்

March 14 , 2026 2 days 68 0
  • 1951-52 ஆம் ஆண்டு நாடு ஒரு குடியரசாக மாறிய பின்னர், வயது வந்தோர் வாக்குரிமை முறை நடைமுறைக்கு வந்த முதல் தேர்தலில் போது, முக்கியப் போட்டியாளர்கள் காங்கிரஸ் மற்றும் இந்தியக் கம்யூனிஸ்ட் கட்சி (CPI) ஆகும்.
  • 20 ஆண்டுகளுக்கும் மேலாக ஆந்திரக் குழு மற்றும் கேரள குழு போன்ற மொழிவாரி அடிப்படையில் காங்கிரஸ் அதன் மாநில அளவிலான பிரிவுகளை நிறுவியிருந்த போதிலும், ஆந்திரா மாநிலம் அப்போது உருவாகவில்லை.
  • மொழிவாரி மாநிலங்கள் என்ற யோசனைக்கு ஆதரவு தெரிவித்த காங்கிரஸ் தலைமை, அதற்கு ஆதரவாக ஒரு திட்டவட்டமான நிலைப்பாட்டை எடுக்கவில்லை.
  • சி. ராஜகோபாலாச்சாரி உள்ளிட்ட தலைவர்கள் இந்தக் யோசனைக்கு எதிராக இருந்தனர்.
  • இது நாட்டில் பிளவுப் போக்குகளுக்கு வழி வகுக்கும் என்ற கருத்தை அவர்கள் கொண்டிருந்தனர்.
  • பிரிவினைக்குப் பிறகு இந்த நடைமுறை யதார்த்தத்தை ஏற்றுக் கொள்வது அவர்களுக்கு மிகவும் கடினமாக இருந்தது.
  • "மொழிகள் மற்றும் கலாச்சாரங்களின் கலவை" தமிழ்நாட்டின் (அப்போது மெட்ராஸ் என்று அழைக்கப்பட்டது) பலமாக இருந்தது என்று ராஜாஜி வாதிட்டார்.
  • மொழி அடிப்படையில் பிரிக்கப்பட்டால், "ஒரு காலத்தில் மிகப் பெரியதாகவும், முக்கியமானதாகவும், முற்போக்கானதாகவும் இருந்த இந்த மாகாணம், இனி மேல் குறுகிய மனப்பான்மை கொண்டதாகவும், கலாச்சாரத்திற்கு எதிரானதாகவும் மாறும்" எனவும் வாதிட்டார்.
  • 1946 இல் பெரும்பான்மையைப் பெற்ற முதலமைச்சர் பி.எஸ். குமாரசாமி ராஜாவும் அவரது பெரும்பாலான அமைச்சர்களும் அப்போதைய தேர்தலில் தோல்வியடைந்தனர்.
  • இதனால் தொங்கு சட்டமன்றம் உருவானது.
  • 375 உறுப்பினர்களைக் கொண்ட சபையில், காங்கிரஸ் 152 இடங்களை மட்டுமே பெற்றது, ஆனால் அது தனிப்பெரும் கட்சியாக இருந்தது.
  • இரண்டாவது இடத்தைப் பிடித்த சிபிஐ, 62 இடங்களைப் பெற்றது.
  • சென்னையில் தான் சிபிஐ தேர்தலில் போட்டியிடும் முடிவை அறிவித்தது.
  • இடதுசாரி இயக்கத்தின் உயரிய தலைவர்களில் ஒருவரான ஏ.கே. கோபாலன் இந்த அறிவிப்பை வெளியிட்டார்.
  • இருப்பினும், காங்கிரஸ் கட்சிக்கு பெரும்பான்மை இல்லாத போதிலும், அதன் பிரதிநிதியான ராஜாஜியை அது முதலமைச்சராகப் பெற முடிந்தது.
  • 1952 ஆம் ஆண்டில், அப்போதைய ஆளுநர் ஸ்ரீ பிரகாசா, சி. ராஜகோபாலாச்சாரியை (சி.ஆர். அல்லது ராஜாஜி) சட்ட மேலவை உறுப்பினராகப் பரிந்துரைத்தார்.
  • இலக்கியம், அறிவியல், கலை, கூட்டுறவு இயக்கம் மற்றும் சமூக சேவை போன்ற துறைகளில் சிறப்பு அறிவு அல்லது நடைமுறை அனுபவம் உள்ள நபர்களை நியமனம் செய்ய அனுமதிக்கும் அரசியலமைப்பு விதியின் கீழ் இது இருந்தது.
  • அப்போது ராஜாஜி உண்மையில் தீவிர அரசியலில் இருந்து ஓய்வு பெற்று இருந்தார்.
  • இந்தியாவின் கவர்னர் ஜெனரலாகப் பணியாற்றி முதலமைச்சர் பதவியை ஏற்றுக் கொண்ட ஒரே இந்தியர் ராஜாஜி ஆவார்.
  • ராஜாஜியின் நியமனம் மட்டுமே அரசியல் புயலை எழுப்பியது,
  • ஏனெனில் அவர் பின்னர் ஆந்திரா, கர்நாடகா மற்றும் கேரளாவின் சில பகுதிகளை உள்ளடக்கிய மாநிலத்தின் முதலமைச்சராகவும் அதன் பின் நியமிக்கப் பட்டார்.
  • மக்கள் தீர்ப்பின் பின்னர் மாற்றக் காலத்தில் பதவியில் இருக்கும் ஒரு அமைச்சர் குழு, சட்டமன்றத்தில் காலியாக உள்ள இடங்களை நிரப்ப ஆளுநருக்கு பரிந்துரைக்க முடியுமா என்பது தொடர்ந்து விவாதிக்கப்படும் பிரச்சினை ஆகும்.
  • மேலும் ஆளுநர் அத்தகைய பரிந்துரையை ஆதரித்து செயல்பட முடியுமா என்பதும் தான்.
  • இத்தகைய குழப்பமான தீர்ப்பைக் கருத்தில் கொண்டு, ஆளுநர் ராஜாஜியை அழைத்ததன் மூலம் மேலும் இதை தீவிரமாக்கினார்.
  • ராஜாஜி மார்ச் 31, 1952 அன்று காங்கிரஸ் சட்டமன்றக் கட்சியின் தலைவரானார்.
  • மேலும் ராஜாஜி அமைச்சரவையில் காமன்வெல் கட்சியின் தலைவர் எம்.ஏ. மாணிக்கவேல் நாயக்கரும் சேர்க்கப்பட்டார்.
  • மே மாதத் தொடக்கத்தில் சட்டமன்றம் அமைக்கப்பட்ட நேரத்தில், காங்கிரஸின் பலம் 165 ஆக உயர்ந்தது.
  • பின்னர் நடைமுறையில் வந்த விதிமுறை என்னவென்றால், சட்டமன்றத் தேர்தலுக்கான மாதிரி நடத்தை விதிகள் அமலுக்கு வந்தவுடன், எந்த தற்போதைய அரசாங்கமும் எந்தவொரு கொள்கை முடிவையும் எடுக்காது.
  • அவசரத்தின் காரணமாக அத்தகைய முடிவை எடுக்க வேண்டுமென்றால், அது தேர்தல் ஆணையத்தின் ஒப்புதலைப் பெற வேண்டும்.
  • அதன் மூலம், இந்த நடைமுறையை உருவாக்கியதற்கு தமிழ்நாடு பொறுப்பேற்றுக் கொண்டது.


Post Views:
68

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்