தமிழ்நாட்டுச் செய்திகள்

2030 ஆம் ஆண்டிற்குள் எச்.ஐ.வி/எய்ட்ஸ் ஒழிப்பு இலக்கு

October 14 , 2026 8 days 113 0

தமிழ்நாடானது, தேசிய எய்ட்ஸ் கட்டுப்பாட்டுத் திட்டத்தின் ஐந்தாம் கட்டத்தின் (NACP-V) இலக்கான 95-95-95 என்பதை 2026 ஆம் ஆண்டு செப்டம்பர் மாதத்தில் அடைந்தது.
95-95-95 இலக்கு என்பது, எச்.ஐ.வி-யுடன் வாழும் மக்களில் 95% பேர் தங்களது பாதிப்பு நிலையை அறிந்திருக்கிறார்கள் என்பதையும், கண்டறியப்பட்டவர்களில் 95% பேர் ஆன்டிரெட்ரோவைரல் சிகிச்சையைப் (ART) பெறுகிறார்கள் என்பதையும், சிகிச்சை பெறுபவர்களில் 95% பேர் வைரஸ் ஒடுக்குமுறையை அடைகிறார்கள் என்பதையும் குறிக்கிறது.
தமிழ்நாட்டில் எச்.ஐ.வி பரவலானது 2010 ஆம் ஆண்டில் 0.40% ஆக இருந்த நிலையில் 2023 ஆம் ஆண்டில் 0.19% ஆகக் குறைந்துள்ளது; 2030 ஆம் ஆண்டிற்குள் எச்.ஐ.வி/எய்ட்ஸ் இல்லாத தமிழ்நாட்டை உருவாக்க மாநில அரசு இலக்கு நிர்ணயித்துள்ளது.
இம்மாநிலத்தில் 1,63,151 பேர் சிகிச்சையில் உள்ளனர், ஆரம்ப சுகாதார நிலையங்கள் மற்றும் அரசு மருத்துவமனைகளில் 2,656 எச்.ஐ.வி பரிசோதனை மையங்கள் உள்ளன, மேலும் 2,329 கல்லூரிகள் மற்றும் 9,830 பள்ளிகளில் விழிப்புணர்வு நிகழ்ச்சிகள் நடத்தப் படுகின்றன.
எச்.ஐ.வி/எய்ட்ஸ் பாதித்த குழந்தைகளுக்கான மாதாந்திர நிதியுதவியை தமிழ்நாடு அரசு ரூ.1,500 இலிருந்து ரூ.3,000 ஆக உயர்த்தியுள்ளதுடன், இதற்காகக் கூடுதலாக ரூ.1.21 கோடியை ஒதுக்கீடு செய்துள்ளது.