TNPSC Thervupettagam

24 மணி நேர கைது விதி குறித்த உச்ச நீதிமன்றத் தீர்ப்பு

November 11 , 2026 5 days 109 0
  • கைது செய்யப்பட்ட ஒருவரை நடுவர் முன் ஆஜர்படுத்துவதற்கான 24 மணி நேரக் கால வரம்பு என்பது, உண்மையில் அவர் தடுப்புக் காவலில் வைக்கப்பட்ட நேரத்திலிருந்தே தொடங்குகிறது என்று உச்ச நீதிமன்றம் தீர்ப்பளித்துள்ளது.
  • அரசியலமைப்புப் சரத்து 22(2) இன் கீழ், காவலில் வைக்கப்பட்ட நபர், தேவையான பயண நேரத்தைத் தவிர்த்து, 24 மணி நேரத்திற்குள் நடுவர் முன் ஆஜர்படுத்தப்பட வேண்டும்.
  • ஒரு நபரின் சுதந்திரம் உண்மையில் எப்போது உடல்ரீதியாகக் கட்டுப்படுத்தப்படுகிறதோ அப்போதே இந்த 24 மணி நேரக் காலம் தொடங்குகிறது; பின்னர் செய்யப்படும் முறையான கைது நேரத்தைக் கொண்டு காலக்கெடுவை தாமதப்படுத்தப் பயன்படுத்தக் கூடாது.
  • நடுவர்கள் தடுப்புக்காவலின் உண்மையான தேதி மற்றும் நேரத்தைப் பதிவு செய்ய வேண்டும், மேலும் காவலில் வைக்கப்பட்ட நேரம் அரசியலமைப்பு வரம்பை மீறினால் உடனடியாக விடுவிக்கவும் உத்தரவிடலாம்.
  • திரிபுராவில் போதைப்பொருள் மற்றும் மனமயக்கப் பொருட்கள் (NDPS) சட்டத்தின் கீழ் நான்கு பேர் தடுத்து வைக்கப்பட்ட வழக்கில் இந்தத் தீர்ப்பு வழங்கப்பட்டுள்ளது; உச்ச நீதிமன்றம் அவர்களை விடுவிக்க உத்தரவிட்டது.
  • இந்தத் தீர்ப்பை மாநில மற்றும் ஒன்றியப் பிரதேச காவல் துறைத் தலைவர்கள், உயர் நீதிமன்றப் பதிவாளர்கள் மற்றும் மாநில நீதித்துறை அகாடமிகளுக்குச் சுற்றுக்கு விட நீதிமன்றம் உத்தரவிட்டது.

 

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்