தேசியச் செய்திகள்

eDAR இணையதளம் குறித்த உச்ச நீதிமன்றத்தின் உத்தரவு

October 14 , 2026 10 days 107 0

சாலை விபத்துத் தரவுகளை மின்னணு விரிவான விபத்து அறிக்கை (eDAR) இணைய தளத்தில் உடனடியாகப் பதிவேற்றம் செய்யவும், அதனை வாகன் (VAHAN), சாரதி (SARATHI) மற்றும் காப்பீட்டு தகவல் பணியகம் (IIB) ஆகியவற்றுடன் ஒருங்கிணைக்கவும் மாநிலங்களுக்கு உச்ச நீதிமன்றம் உத்தரவிட்டுள்ளது.
விபத்து அறிக்கைகளை டிஜிட்டல் மயமாக்கவும், மோட்டார் விபத்து இழப்பீடு கோருதல்களுக்கு ஆதரவளிக்கவும் தேசிய தகவலியல் மையம் (NIC) eDAR இணைய தளத்தை இயக்குகிறது.
வாகன் வாகனப் பதிவு விவரங்களையும், சாரதி ஓட்டுநர் உரிம விவரங்களையும் சேமிக்கின்றன, மேலும் IIB காப்பீடு தொடர்பான தரவுகளைப் பராமரிக்கிறது.
PM-RAHAT திட்டமானது, சாலை விபத்து ஏற்பட்ட ஏழு நாட்கள் வரை பாதிக்கப்பட்ட ஒருவருக்கு ரூ.1.5 லட்சம் வரை பணமில்லா சிகிச்சையை வழங்குகிறது.
ஒருங்கிணைப்பை நிறைவு செய்து, இணக்க அறிக்கைகளைச் சமர்ப்பிக்க மத்திய மற்றும் மாநில அரசுகளுக்கு நீதிமன்றம் நான்கு வார கால அவகாசம் அளித்துள்ளது.