தமிழ்நாட்டுச் செய்திகள்

FCRA மசோதா திரும்பப் பெறுதல் - தமிழ்நாடு

August 14 , 2026 5 days 83 0

வெளிநாட்டுப் பங்களிப்பு (ஒழுங்குமுறை) திருத்த மசோதா, 2026ஐ அதன் தற்போதைய வடிவத்தில் திரும்பப் பெறக் கோரி மத்திய அரசை வலியுறுத்தி, தமிழ்நாடு சட்டப் பேரவை ஒருமனதாக தீர்மானம் நிறைவேற்றியது.
FCRA (வெளிநாட்டுப் பங்களிப்பு ஒழுங்குமுறைச் சட்டம்) பதிவு காலாவதியானாலோ, புதுப்பிக்கப்படாமலோ, ரத்து செய்யப்பட்டாலோ அல்லது ஒப்படைக்கப்பட்டாலோ, தொண்டு நிறுவனங்களின் சொத்துக்களை கையகப்படுத்த, நிர்வகிக்க, அப்புறப்படுத்த அல்லது விற்க அரசாங்கத்தை அனுமதிக்கும் விதிகள் குறித்து இந்தத் தீர்மானம் கவலை எழுப்பியது.
மாநில அரசுகள் மற்றும் தொண்டு, மத, கல்வி, மருத்துவ மற்றும் சமூக அமைப்புகளுடன் விரிவான ஆலோசனைகளை நடத்துமாறு இது மத்திய அரசை வலியுறுத்தியது.
எந்தவொரு திருத்தமும் இயற்கை நீதி, விகிதாச்சாரம், சொத்து உரிமைகள், நியாயமான எதிர்பார்ப்பு மற்றும் கூட்டாட்சி தத்துவத்தைப் பாதுகாக்க வேண்டும் என்றும், வெளிநாட்டுப் பங்களிப்புகளில் வெளிப்படைத்தன்மை மற்றும் பொறுப்புக் கூறலை உறுதி செய்ய வேண்டும் என்றும் பேரவை கூறியது.
சிறுபான்மையினரால் நடத்தப்படும் கல்வி மற்றும் சமூக நல நிறுவனங்கள் உட்பட தொண்டு நிறுவனங்களின் சுயாட்சியை இந்த மசோதா பாதிக்கும் என்றும் தீர்மானத்தில் தெரிவிக்கப் பட்டுள்ளது.