தேசியச் செய்திகள்

LAHDC திருத்த விதிமுறைகள் 2026

October 22 , 2026 14 hrs 0 min 20 0

லடாக்கின் அனைத்து எட்டு மாவட்டங்களிலும் மலை சபைக்கான தேர்தல்களுக்கு வழிவகுக்கும் வகையில் லடாக் தன்னாட்சி மலை மேம்பாட்டுச் சபைகள் (LAHDC) (திருத்தம்) ஒழுங்குமுறை 2026-ஐ குடியரசுத் தலைவர் திரௌபதி முர்மு பிரகடனப் படுத்தினார்.
2026 ஆம் ஆண்டு அக்டோபர் 14 அன்று இந்தத் திருத்தங்களுக்கு மத்திய அமைச்சரவை ஒப்புதல் அளித்தது.
ஒவ்வொரு சபையிலும் உள்ள தொகுதிகளின் எண்ணிக்கையை 26 லிருந்து குறைந்தபட்சம் 7 ஆகவும் அதிகபட்சம் 24 ஆகவும் இவ்விதிமுறை மாற்றுகிறது.
உள்ளாட்சி நிர்வாகத்தில் பங்கேற்பை மேம்படுத்துவதற்காக பெண்கள் மற்றும் பிரதிநிதித்துவமில்லாத சமூகங்களில் இருந்து நான்கு உறுப்பினர்களை நியமனம் செய்ய இது வகை செய்கிறது.
லடாக் கடந்த 2019 ஆம் ஆண்டில் முந்தைய ஜம்மு காஷ்மீர் மாநிலத்திலிருந்து பிரிக்கப்பட்ட பிறகு ஓர் ஒன்றியப் பிரதேசமாக மாறியது. இதற்கு முன்பு லே மற்றும் கார்கில் ஆகிய இரண்டு இடங்களில் மலை சபைகளைக் கொண்டிருந்தது.
புதிதாக உருவாக்கப்பட்ட சங்கு (Sankoo) மாவட்டமும் அனைத்து எட்டு மாவட்டங்களிலும் மலை சபைகளை நிறுவும் திட்டத்தில் சேர்க்கப்பட்டுள்ளது.