தேசியச் செய்திகள்

MSME மேம்பாட்டு (திருத்த) மசோதா, 2026

August 3 , 2026 19 days 126 0

2006 ஆம் ஆண்டின் குறு, சிறு மற்றும் நடுத்தரத் தொழில்கள் (MSME) மேம்பாட்டுச் சட்டத்தைத் திருத்துவதற்காக, குறு, சிறு மற்றும் நடுத்தரத் தொழில்கள் (MSME) மேம்பாட்டு (திருத்த) மசோதா, 2026-ஐ மாநிலங்களவை அறிமுகப்படுத்தியுள்ளது.
முதலீடு மற்றும் ஆண்டு வருவாயின் அடிப்படையில் MSME-களை வகைப்படுத்த மத்திய அரசுக்கு இந்த மசோதா அதிகாரம் அளிக்கிறது மற்றும் தன்னார்வ டிஜிட்டல் பதிவுக்கான வசதியை வழங்குகிறது.
MSME கட்டணப்பட்டியல்களுக்கு (invoices) உரிய நேரத்தில் பணம் செலுத்துவதற்காக வர்த்தக வரவுகள் தள்ளுபடி அமைப்பை (TReDS) பயன்படுத்துவதை மத்திய பொதுத் துறை நிறுவனங்களுக்கு (CPSEs) இது கட்டாயமாக்குகிறது.
விரைவான தகராறுத் தீர்வை உறுதி செய்வதற்காக மத்தியஸ்தம் மற்றும் நடுவர் மன்றத்திற்கான நிலையான காலக்கெடுவை இந்த மசோதா அமைக்கிறது மற்றும் குறிப்பிட்ட வைப்புத் தொகையுடன் நீதிமன்றத்தில் மேல்முறையீடு செய்ய அனுமதிக்கிறது.
குற்றவியல் நடவடிக்கைகளுக்குப் பதிலாக எச்சரிக்கைகள் மற்றும் தரப்படுத்தப்பட்ட பண அபராதங்களை விதிப்பதன் மூலம் இது சில குற்றங்களை குற்றவியல் நடவடிக்கையிலிருந்து நீக்குகிறது, அதே நேரத்தில் மேம்பாட்டு ஆணையர் தீர்ப்பு வழங்கும் அதிகாரியாக செயல்படுவார்.