தேசியச் செய்திகள்

PM-DHARA திட்டம் – பசுமை ஆற்றல் பரிமாற்றம்

October 5 , 2026 11 hrs 0 min 30 0

மாநிலத்திற்கு இடையேயான மின் பரிமாற்ற அமைப்புகளை வலுப்படுத்துவதற்காக PM-DHARA (பிரதான் மந்திரி இணக்கமான மற்றும் விரைவுபடுத்தப்பட்ட புதுப்பிக்கத் தக்க ஆற்றல் அணுகலை உருவாக்குதல்) திட்டத்திற்கு மத்திய அமைச்சரவை ஒப்புதல் அளித்துள்ளது.
2032–33 ஆம் நிதியாண்டிற்குள் 135 ஜிகாவாட் (GW) அளவிலான புதுப்பிக்கத்தக்க ஆற்றலை மின் கட்டமைப்புடன் இணைத்து பரிமாற்றம் செய்வதை இத்திட்டம் நோக்கமாகக் கொண்டுள்ளது.
மாநிலத்திற்கு உள்ளேயான மின் பரிமாற்றக் கட்டணங்களை ஈடுசெய்யவும், மின்சாரக் கட்டணங்களைக் குறைவாக வைத்திருக்கவும் இத்திட்டத்திற்கு மத்திய அரசின் நிதி ஆதரவாக ₹54,082 கோடி வழங்கப்பட்டுள்ளது.
மின்கட்டமைப்பின் நெகிழ்வுத்தன்மையை மேம்படுத்தவும், புதுப்பிக்கத்தக்க ஆற்றல் உற்பத்தியில் ஏற்படும் ஏற்ற இறக்கங்களை நிர்வகிக்கவும் 50 GWh திறன் கொண்ட மின்கல ஆற்றல் சேமிப்பு அமைப்புகள் (BESS) நிறுவப்படும்.
2035 ஆம் ஆண்டிற்குள் 900 GW புதைபடிவமற்ற ஆற்றல் திறனை நிறுவுவதை இலக்காகக் கொண்டு, புதுப்பிக்கத்தக்க ஆற்றல் ஒருங்கிணைப்பு, ஆற்றல் சேமிப்பு, ஆற்றல் பாதுகாப்பு மற்றும் இந்தியாவின் கார்பன் உமிழ்வைக் குறைத்தல் ஆகியவற்றுக்கு PM-தாரா திட்டம் ஆதரவளிக்கிறது.