சர்வதேசச் செய்திகள்

SAVE அமெரிக்கா சட்டம்

August 24 , 2026 11 hrs 0 min 12 0

அமெரிக்க வாக்காளர் தகுதியைப் பாதுகாக்கும் 'SAVE அமெரிக்கா சட்டத்திற்கு' ஆதரவு கோரிய அமெரிக்க அதிபர் டொனால்ட் ட்ரம்ப், இந்தியாவின் வாக்காளர் அடையாள அமைப்பை மேற்கோள் காட்டினார்.
இந்தியாவின் சமீபத்திய பொதுத் தேர்தலில் 646 மில்லியனுக்கும் அதிகமான வாக்காளர்கள் வாக்களித்ததாகவும், அதில் 1%-க்கும் குறைவானவர்களே தபால் வாக்கு மூலம் வாக்களித்ததாகவும் ட்ரம்ப் கூறினார். மேலும் சரியான புகைப்பட அடையாள அட்டை பயன்படுத்தப்படுவதையும் அவர் சுட்டிக் காட்டினார்.
வாக்காளர் பதிவிற்கான குடியுரிமைச் சான்று மற்றும் அமெரிக்காவில் நாடு தழுவிய வாக்காளர் அடையாளத் தேவையை SAVE அமெரிக்கா சட்டம் முன்மொழிகிறது.
மேலும் இது அஞ்சல் மூலம் வாக்களிப்பதைக் கட்டுப்படுத்தவும், தேர்தல் தொடர்பான பிற விதிகளை மாற்றவும் முற்படுகிறது.
அமெரிக்கா பெரும்பாலும் வாக்காளர்களின் சுய சான்றளிப்பையே நம்பியுள்ள நிலையில், வாக்காளர் அடையாள அட்டைகளை உயிரிஅளவியல் தரவுத்தளங்களுடன் இணைக்கும் நாடுகளாக இந்தியா மற்றும் பிரேசிலை வெள்ளை மாளிகை சுட்டிக் காட்டியுள்ளது.
இந்த மசோதாவானது ஜனநாயகக் கட்சியினர் மற்றும் குடியரசுக் கட்சியினரிடையே பிளவுகளைச் சந்தித்துள்ளதுடன் ஐந்து வார விடுமுறைக்கு முன்னதாக இதனை நிறைவேற்ற அமெரிக்க செனட் சபை உறுதியான நடவடிக்கைகளை எடுக்கவில்லை.