TNPSC Thervupettagam
✖
 
16, Mar 2026
TNPSC Group I Topper Corner
தமிழ் English
தேடல்
TNPSC துளிகள்

TNPSC துளிகள்

March 15 , 2026 14 hrs 0 min 28 0
  • இமாச்சலப் பிரதேசத்தின் சோலன் பகுதியில் உள்ள இமயமலை அடிவாரத்தில் அசிடாக்சாந்தா பாராடோடோஃப்லாவா மற்றும் ஹெமிலியா சுனேரியே ஆகிய இரண்டு புதிய பழ ஈ இனங்களை அறிவியலாளர்கள் கண்டறிந்துள்ளனர்.
    • இந்த ஆய்வின் மூலம் இந்தியாவில் முதன்முறையாக ராகோலெடிஸ் என்ற பழ ஈ பேரினம் பதிவு செய்யப்பட்டுள்ளது; இவை ட்ரைபெடினே துணைக்குடும்பத்தைச் சேர்ந்தவை.
  • கர்நாடக மாநில சாலைப் போக்குவரத்துக் கழகம் (KSRTC), அதன் அணுகல் முன்னெடுப்பான 'த்வனி ஸ்பந்தனா' திட்டத்திற்காக 12வது பொதுத்துறை நிறுவன (PSU) தேசிய விருதை வென்றுள்ளது.
    • 'த்வனி ஸ்பந்தனா' என்பது பார்வை குறைபாடுள்ள பயணிகள் பேருந்துகளை அடையாளம் காணவும், சுயமாகப் பயணம் செய்யவும் உதவும் ஒரு உள்ளக அமைப்பாகும்.
  • சிக்கிமின் பாக்கியாங் மாவட்டத்தில் "Orchids for Beauty & Prosperity" என்ற கருத்துருவின் கீழ் நடைபெற்ற 2026 ஆம் ஆண்டிற்கான இந்திய ஆர்க்கிட் திருவிழா நிறைவடைந்தது.
  • இந்தியா மற்றும் செஷல்ஸ் நாடுகளுக்கு இடையே 11-வது கூட்டு இராணுவப் பயிற்சி 'லமிடியே-2026' சீஷெல்ஸ் பாதுகாப்பு அகாடமியில் நடைபெற்று வருகிறது.
  • 12-வது ஆசிய மற்றும் பசிபிக் பிராந்திய அரசு வழக்கறிஞர்கள் மாநாடு புது தில்லியில் நடைபெற்றது.
  • CRED நிறுவனம் கட்டண ஒருங்கிணைப்பாளராக (Payment Aggregator) செயல்பட இந்திய ரிசர்வ் வங்கி அனுமதி அளித்துள்ளது.
  • ஆந்திரப் பிரதேச முதல்வர் அல்லூரி சீதாராம ராஜு மாவட்டத்தின் பாரம்பரிய உணவுகளை உள்ளடக்கிய 'அரக்கு கௌனி’ என்ற மாநிலத்தின் முதல் பழங்குடியினர் உண்ணும் சிறுதானியங்களின்  உணவுப் பட்டியலைத் தொடங்கி வைத்தார்.
  • மார்ச் 15 அன்று அனுசரிக்கப்படும் இஸ்லாமோஃபோபியாவிற்கு எதிரான சர்வதேச தினம், முஸ்லிம்களுக்கு எதிரான பாகுபாடு குறித்த விழிப்புணர்வை ஏற்படுத்துவதுடன் சகிப்புத்தன்மை, மனித உரிமைகள் மற்றும் வெறுப்புப் பேச்சுக்கு எதிரான நடவடிக்கைகளை ஊக்குவிக்கிறது.
  • கணித மாறிலியான π (pi), 3.14159 இன் முதல் மூன்று இலக்கங்கள் (3.14) தேதியுடன் (3/14) ஒத்துப்போவதால், ஒவ்வொரு ஆண்டும் மார்ச் 14 அன்று உலகளவில் 'பை தினம்' கொண்டாடப்படுகிறது.
    • 2026 ஆம் ஆண்டிற்கான கருத்துரு, "Mathematics and hope".

Post Views:
28

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்