TNPSC Thervupettagam
✖
 
31, Mar 2026
TNPSC Group I Topper Corner
தமிழ் English
தேடல்
TNPSC துளிகள்

TNPSC துளிகள்

March 29 , 2026 2 days 50 0
  • இந்திய விலங்கியல் ஆய்வு மையமானது (ZSI), மகாராஷ்டிராவின் புனேவில் டிஎன்ஏ அடிப்படையிலான வகைப்பாட்டியலைப் பயன்படுத்தி 'நியோலோபோப்டெரா பெனின்சுலாரிஸ்' என்ற புதிய கரப்பான் பூச்சி இனத்தைக் கண்டுபிடித்தது.
  • மேற்கு ஆசியாவில் நிலவும் பதற்றங்களுக்கு மத்தியில், ஹார்முஸ் நீர்ச்சந்தி வழியாக இந்தியா வரும் எரிசக்தி கப்பல்களைப் பாதுகாக்க இந்திய கடற்படை உர்ஜா சுரக்சா என்ற நடவடிக்கையைத் தொடங்கியது.
  • பாலேந்திர ஷா, நேபாளத்தின் ஜனநாயக முறைப்படி தேர்ந்தெடுக்கப்பட்ட இளம் வயது பிரதமராகப் பதவியேற்றார்.
  • அதிகாரப்பூர்வ தரவுகளை உடனுக்குடன் பெறுவதற்காக, செயற்கை நுண்ணறிவு (AI) கருவிகளை இ-சாங்கியகி போர்ட்டலுடன் இணைக்க மாதிரிச் சூழல் நெறிமுறை (MCP) சேவையகத்தை இந்திய அரசு அறிமுகப்படுத்தியது.
    • AI மாதிரிகளை வெளிப்புறத் தரவு ஆதாரங்களுடன் பாதுகாப்பாக இணைத்து துல்லியத்தை மேம்படுத்தும் இந்த MCP-ஆனது ஆந்த்ரோபிக் (2024) நிறுவனத்தால் அறிமுகப்படுத்தப்பட்ட ஒரு இலவச மூலத் தரவு ஆகும்.
  • செயற்கை நுண்ணறிவு சில்லு உற்பத்தியை அதிகரிக்க ஆஸ்டினில் டெராஃபேப் என்ற பெரிய குறைக்கடத்தி தயரிப்பு நிறுவனத்தை எலான் மஸ்க் அறிவித்துள்ளார்.
  • அக்னிகுல் காஸ்மோஸ் நிறுவனமானது, Akasha300 3D அச்சுப் பொறியைப் பயன்படுத்தி, தனது வகையிலேயே முதலாவதான ஒரு 3D-அச்சிடப்பட்ட பூஸ்டர் எஞ்சினை சோதனை செய்துள்ளது.
  • அமெரிக்கா தனது கரன்சி/பணத்தாள் வடிவமைப்பில் அமெரிக்க டாலர் நோட்டுகளில் முதல்முறையாக அதிபர் டொனால்ட் டிரம்பின் கையொப்பம் சேர்க்கும் ஒரு மாற்றத்தை அறிமுகப்படுத்த உள்ளது.
  • சட்டமன்ற உறுப்பினர்களின் (MLA) செயல்பாடுகளைக் கண்காணிப்பதற்கான இந்தியாவின் முதல் டிஜிட்டல் தளமான 'MLATrack.com' ஐ கேரளா அறிமுகப்படுத்தியது.
  • பாலம் கட்டுமானத்தில் ஆய்வு மற்றும் ஒப்புதல் செயல்முறைகளை எளிதாக்க, சாலை போக்குவரத்து மற்றும் நெடுஞ்சாலைத் துறை அமைச்சகம் புது தில்லியில் PRISM-SG தளத்தினை அறிமுகப்படுத்தியது.
  • புவி நேர (Earth Hour) நிகழ்வின் 20 ஆண்டுகளைக் குறிக்கும் வகையில், 2026 ஆம் ஆண்டு மார்ச் 28 அன்று இரவு 8:30 முதல் 9:30 மணி வரை முக்கிய நினைவுச்சின்னங்கள் மற்றும் கட்டிடங்களின் மின்விளக்குகளை அணைத்து இந்தியா பங்கேற்றது.
    • புவி நேரம் என்பது காலநிலை நடவடிக்கை மற்றும் எரிசக்தி சேமிப்பை ஊக்குவிப்பதற்காக இயற்கைக்கான உலகளாவிய நிதியத்தால் (WWF) ஆண்டு தோறும் நடத்தப்படும் நிகழ்வாகும்.

Post Views:
50

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்