TNPSC Thervupettagam
✖
 
16, Jun 2026
TNPSC Group I Topper Corner
தமிழ் English
தேடல்
TNPSC துளிகள்

TNPSC துளிகள்

June 16 , 2026 14 hrs 0 min 21 0
  • ஆண்டின் வளர்ந்து வரும் சுகாதாரத் தொழில்நுட்பம் மற்றும் ஊட்டச்சத்து புத்தொழில் பிரிவில் GRASA நிறுவனமானது 2026 ஆம் ஆண்டிற்கான ராஷ்டிரிய ரத்னா சம்மன் விருதைப் பெற்றது.
    • சிறுதானியங்கள், நொதித்தல் மற்றும் குடல் ஆரோக்கியத்தை அடிப்படையாகக் கொண்ட இந்தியாவின் முதல் உணவு சார்ந்த வளர்சிதை மாற்ற மீட்பு அமைப்பாக GRASA விவரிக்கப்படுகிறது.
  • ஜப்பானின் ககாமிகஹாராவில் நடைபெற்ற 2026 ஆம் ஆண்டிற்கான ஆடவர் U18 ஆசியக் கோப்பை இறுதிப் போட்டியில், இந்திய அணி ஜப்பானை 4-1 என்ற கோல் கணக்கில் வீழ்த்தி சாம்பியன் பட்டத்தை வென்றது.
  • மாம்பழச் சாகுபடி மற்றும் அதன் வகைகளை ஊக்குவிக்கும் விதமாக, சென்னை ராயப்பேட்டையில் 2026 ஆம் ஆண்டிற்கான தேசிய மாம்பழத் திருவிழாவை வேளாண்மை மற்றும் உழவர் நலத்துறை அமைச்சர் தொடங்கி வைத்தார்.
  • எண்ணெய் வித்துகளை சாகுபடி செய்யும் விவசாயிகளுக்கு நிகழ்நேர வேளாண் வழிகாட்டுதல்களை வழங்குவதற்காக, இந்தியாவின் முதல் வாட்ஸ்அப்/புலனம் அடிப்படையிலான செயற்கை நுண்ணறிவு ஆலோசனை சேவையான 'எண்ணெய் வித்துக்கள் கிசான் மித்ரா'-வை ICAR அறிமுகப்படுத்தியுள்ளது.
  • மெட்ராஸ் இந்தியத் தொழில்நுட்பக் கழகமானது (IIT-M), உலகின் மிக விரிவான முப்பரிமாண மனித மூளைத்தண்டு வரைபடமான ANCHOR-ஐ (முப்பரிமாண புனரமைப்புடன் கூடிய மனித மூளைத்தண்டின் நரம்பியல் வேதியியல் பண்புகளின் வரைபடத் தொகுப்பு) வெளியிட்டுள்ளது.
    • இது சுவாசம், இதயத்துடிப்பு மற்றும் தூக்கம் போன்ற அத்தியாவசிய செயல்பாடுகளைக் கட்டுப்படுத்தும் பகுதியான மனித மூளைத்தண்டின் மிக விரிவான முப்பரிமாண வரைபடத்தை வழங்குகிறது.
  • SpaceX நிறுவனம் நாஸ்டாக் பங்குச்சந்தையில் நுழைந்ததன் மூலம் எலான் மஸ்க்கின் நிகர சொத்து மதிப்பு சுமார் $1.05 டிரில்லியனாக உயர்ந்து, உலகின் முதல் டிரில்லியனர் என்ற பெருமையை அவர் பெற்றுள்ளார்.
  • அவதார் நிறுவனத்தால் உருவாக்கப்பட்ட உள்நாட்டுக் காணொளி செயற்கை நுண்ணறிவு (AI) மாதிரியான 'வர்யா'-வின் தொடக்கத்திற்கு IndiaAI திட்டம் ஆதரவளித்துள்ளது.
    • 'வர்யா' என்பது மேம்பட்ட காணொளி நுண்ணறிவை மலிவானதாகவும், அணுகக் கூடியதாகவும் மற்றும் இந்தியாவிற்குப் பொருத்தமானதாகவும் மாற்றுவதற்காக வடிவமைக்கப்பட்ட ஒரு சுருக்கப்பட்ட காணொளி மாதிரியாகும்.

Post Views:
21

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்