TNPSC Thervupettagam
✖
 
26, Jul 2026
TNPSC Group I Topper Corner
தமிழ் English
தேடல்
TNPSC துளிகள்

TNPSC துளிகள்

July 21 , 2026 5 days 118 0
  • இந்திய விண்வெளி ஆராய்ச்சி நிறுவனமானது (ISRO) ககன்யான் குழுமத் தொகுதி அமைப்புகளின் மூன்று முக்கிய சோதனைகளை வெற்றிகரமாக நடத்தியது.
    • இந்த சோதனைகள், கடலில் விழுந்த பிறகு குழுமத் தொகுதியை நேராக்குதல், மையப் பகுதி வழிமுறைப் பிரிப்பு மற்றும் உச்சி உறைப் பிரிப்பு உள்ளிட்ட குழுவினரின் பாதுகாப்பு அமைப்புகளில் கவனம் செலுத்தின.
  • கடந்த 75 ஆண்டுகளில் ஆப்பிரிக்காவில் கண்டுபிடிக்கப்பட்ட 5-வது புதிய குரங்கு இனமான கொலோபஸ் குடும்பத்தைச் சேர்ந்த இதற்கு 'கொலோபஸ் காங்கோயென்சிஸ்' என அறிவியல் பெயரிடப்பட்டுள்ள காங்கோ ஜனநாயகக் குடியரசின் (DRC) மழைக்காடுகளில் 'லிக்வேலி' என்ற புதிய குரங்கு இனத்தை அறிவியலாளர்கள் கண்டறிந்துள்ளனர்.  
  • வேல்ஸ் அறிவியல், தொழில்நுட்பம் மற்றும் மேம்பட்ட ஆய்வுகள் நிறுவனமானது (VISTAS), இந்தியாவின் முதல் செயற்கை நுண்ணறிவு (AI) ஒருங்கிணைக்கப்பட்ட அடுக்குமாடி பல்கலைக்கழக வளாகத்தை சென்னையின் திருவான்மியூரில் திறந்து உள்ளது.
  • காங்கோ ஜனநாயகக் குடியரசில் (DRC) பரவி வரும் எபோலாவின் பண்டிபுக்யோ (Bundibugyo) வகைக்கு எதிராக உருவாக்கப்பட்ட புதிய எபோலா தடுப்பூசியின் மனிதப் பரிசோதனைகளை ஆக்ஸ்போர்டு பல்கலைக்கழகம் தொடங்கியுள்ளது.
  • பெங்களூருவில் உள்ள நானோ மற்றும் மென்மையான பொருள் அறிவியல் மையத்தின் (CeNS) அறிவியலாளர்கள், நச்சு வாயுவை நிகழ்நேரத்தில் கண்டறிவதற்கான அதி-உணர்திறன் கொண்ட அணியக் கூடிய அம்மோனியா உணரியை உருவாக்கியுள்ளனர்.
  • மேற்கிந்திய தீவுகளின் புகழ்பெற்ற கிரிக்கெட் வீரர் சர் கார்பீல்ட் சோபர்ஸ் தனது 89 வயதில் காலமானார்.
  • ஹைதராபாத்தை தளமாகக் கொண்ட ஸ்கைரூட் ஏரோஸ்பேஸ் நிறுவனம், ஆகமன் திட்டத்தின் கீழ் விக்ரம்-1 ஏவுகலத்தை வெற்றிகரமாக விண்ணில் செலுத்தி, புவியின் தாழ் சுற்றுப்பாதையில் (LEO) சரக்குகளை நிலைநிறுத்திய இந்தியாவின் முதல் தனியார் ஏவுகலம் என்ற பெருமையைப் பெற்றது.
  • நீதித்துறையின் செயல்திறனை மேம்படுத்துவதற்காகவும், நீதியை எளிதில் பெறுவதற்காகவும் ஹரியானாவின் குருகிராமில் 'நீதி கோபுரம்' என்ற மாவட்ட நீதிமன்ற வளாகத்தை இந்தியத் தலைமை நீதிபதி (CJI) சூர்ய காந்த் திறந்து வைத்தார்.
    • இந்தப் புதிய வளாகத்தில் பஞ்சாப் மற்றும் ஹரியானா உயர் நீதிமன்றத்தின் கீழ் ஒரு சர்வதேச நடுவர் மையம், பெண் வழக்கறிஞர்களுக்கான லேடீஸ் பார் ரூம் / பெண் வழக்கறிஞர்கள் ஓய்வறை மற்றும் குழந்தைகள் காப்பகம் ஆகியவை இடம் பெற்றுள்ளன.
  • தென்னாப்பிரிக்காவின் முதல் கறுப்பின அதிபரான நெல்சன் மண்டேலாவின் பிறந்த நாளைக் குறிக்கும் வகையில் நெல்சன் மண்டேலா தினம் ஜூலை 18 அன்று அனுசரிக்கப்படுகிறது.
    • நிறவெறியை முடிவுக்குக் கொண்டு வருவதில் அவர் ஆற்றிய பங்கிற்காக அமைதிக்கான நோபல் பரிசை (1993) பெற்றார்.

Post Views:
118

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்