TNPSC Thervupettagam
✖
 
15, Sep 2026
TNPSC Group I Topper Corner
தமிழ் English
தேடல்
TNPSC துளிகள்

TNPSC துளிகள்

September 7 , 2026 8 days 116 0
  • மேற்குத் தொடர்ச்சி மலையின் அகத்தியமலை உயிர்க்கோளக் காப்பகத்தில் மெலாஸ்டோமாட்டேசி குடும்பத்தைச் சேர்ந்த ஆஸ்பெக்கியா உலோட்ரிகா (Osbeckia ulotricha) என்ற புதிய பூக்கும் தாவரத்தை அறிவியலாளர்கள் கண்டறிந்துள்ளனர்.
  • சென்னையின் இரண்டாவது விமான நிலையத்திற்கான சாத்தியமான இடங்களாக செங்கல்பட்டு மாவட்டத்தில் உள்ள செய்யூர் மற்றும் திருவள்ளூர் மாவட்டத்தில் உள்ள கும்மிடிப்பூண்டிக்கு அருகே உள்ள மன்னெல்லூர் ஆகியவற்றை தமிழ்நாடு அரசு தேர்வு செய்துள்ளது.
    • பரந்தூரில் உத்தேசிக்கப்பட்டுள்ள கட்டமைப்புகளுடன் கூடிய விமான நிலையத்தை கைவிட்டு, மாற்று இடங்களை அடையாளம் காண மாநில அரசு முடிவு செய்ததை அடுத்து இந்த நடவடிக்கை எடுக்கப்பட்டுள்ளது.
  • கர்நாடக மாநிலத்தில் உள்ள ஆசிரியர்கள் 2026 ஆம் ஆண்டு செப்டம்பர் 5 ஆசிரியர் தினம் முதல் தங்கள் பெயர்களுக்கு முன்னால் "Tr." (Teacher - ஆசிரியர்) என்ற முன்னொட்டைப் பயன்படுத்தலாம் என்று கர்நாடக முதலமைச்சர் டி.கே.சிவகுமார் அறிவித்துள்ளார்.
    • இந்த முன்னொட்டு சமூகத்திற்கு ஆசிரியர்கள் ஆற்றிய பங்களிப்பிற்கான மரியாதை மற்றும் அங்கீகாரத்தின் அடையாளமாகக் கருதப்படுகிறது.
  • உஸ்பெகிஸ்தானில் ஒருங்கிணைந்த கட்டண இடைமுக (UPI) வணிகர் கட்டணங்களை செயல்படுத்துவதற்காக, NPCI இன்டர்நேஷனல் பேமெண்ட்ஸ் லிமிடெட் (NIPL) உஸ்பெகிஸ்தானின் தேசிய வங்கிகளுக்கு இடையேயான செயலாக்க மையத்துடன் (NIPC) கூட்டு சேர்ந்துள்ளது.
    • சிங்கப்பூர், ஐக்கிய அரபு அமீரகம், பிரான்ஸ், மொரீஷியஸ், நேபாளம், பூடான், கத்தார், இலங்கை, கம்போடியா மற்றும் கிரீஸ் ஆகிய நாடுகளைத் தொடர்ந்து, UPI ஏற்கும் 11வது நாடாக உஸ்பெகிஸ்தான் மாறியுள்ளது.
  • ஜியோர்ஜியா மெலோனியின் அரசாங்கம், முந்தைய சாதனையான தொடர்ந்து 1,412 நாட்கள் பதவியில் இருந்ததை முறியடித்து, இரண்டாம் உலகப் போருக்குப் பிறகு இத்தாலியில் மிக நீண்ட காலம் பதவியில் இருந்த அரசாங்கமாக மாறியுள்ளது.
    • 2022 பொதுத் தேர்தலில் அவரது கட்சியான 'பிரதர்ஸ் ஆஃப் இத்தாலி' வெற்றி பெற்றதை அடுத்து, மெலோனி இத்தாலியின் முதல் பெண் பிரதமரானார்.
  • கழுகுகளின் சுற்றுச்சூழல் முக்கியத்துவம் குறித்த விழிப்புணர்வை ஏற்படுத்துவதற்கும் அவற்றின் பாதுகாப்பை மேம்படுத்துவதற்கும், 2026 ஆம் ஆண்டு செப்டம்பர் 5 அன்று (செப்டம்பர் மாதத்தின் முதல் சனிக்கிழமை) சர்வதேச கழுகு விழிப்புணர்வு தினம் அனுசரிக்கப்பட்டது.
    • 2026 ஆம் ஆண்டிற்கான கருத்துரு "Strengthen the Vulture Safe Zone" என்பதாகும்.

Post Views:
116

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்