TNPSC Thervupettagam
✖
 
24, Oct 2026
TNPSC Group I Topper Corner
தமிழ் English
தேடல்
TNPSC துளிகள்

TNPSC துளிகள்

October 14 , 2026 10 days 117 0
  • 2030 ஆம் ஆண்டிற்குள் 100 ஜிகாவாட் நிறுவப்பட்ட காற்றாலை மின் உற்பத்தித் திறனை எட்ட இந்தியா இலக்கு நிர்ணயித்துள்ள நிலையில், சென்னையில் நடைபெற்ற வின்டர்ஜி இந்தியா 2026-இன் 8வது பதிப்பை மத்திய அமைச்சர் பிரகலாத் ஜோஷி தொடங்கி வைத்தார்.
    • 2025-26 ஆம் ஆண்டில் 6.05 ஜிகாவாட் சாதனை அளவிலான வருடாந்திர நிறுவலின் மூலம், இந்தியாவின் நிறுவப்பட்ட காற்றாலை மின் உற்பத்தித் திறன் 2026 ஆம் ஆண்டு செப்டம்பர் 30 நிலவரப்படி 59.20 ஜிகாவாட்டை எட்டியுள்ளது.
  • 2026 ஆம் ஆண்டு அக்டோபர் 12 அன்று ஆறு மாநிலங்களுக்கான ஆளுநர் நியமனங்களை குடியரசுத் தலைவர் திரௌபதி முர்மு அறிவித்தார்: ராஜேந்திர அர்லேகர் (தமிழ்நாடு), சுதா யாதவ் (கர்நாடகா), ஓம் பிரகாஷ் மாத்தூர் (கேரளா), பிரஜ் மோகன் ராம் (ஒடிசா), தல் சிங் பிசன் (உத்தரகாண்ட்) மற்றும் துஷ்யந்த் கௌதம் (சிக்கிம்).
    • கர்நாடக ஆளுநராக இருந்த தாவர்சந்த் கெலாட்டிற்குப் பதிலாக சுதா யாதவ் நியமிக்கப்பட்டதன் மூலம், அம்மாநிலத்தின் இரண்டாவது பெண் ஆளுநரானார்; கேரளாவின் கூடுதல் பொறுப்பை வகித்து வந்த அர்லேகர் தமிழ்நாட்டின் முழுநேர ஆளுநரானார்.
  • புகழ்பெற்ற மிருதங்கக் கலைஞர் குருவாயூர் துரை தனது 92 ஆவது வயதில் காலமானார்.
    • அவர் பத்மஸ்ரீ, சங்கீத நாடக அகாடமி விருது மற்றும் கலைமாமணி விருது ஆகியவற்றைப் பெற்றுள்ளார்.
  • பேரியல் பொருளாதார நிலைப்படுத்தலின் நுண்பொருளியல் அடித்தளங்கள் குறித்த அவர்களின் பணிகளுக்காக, அமெரிக்கப் பொருளாதார நிபுணர்களான ராபர்ட் இ. ஹால் மற்றும் மைக்கேல் உட்ஃபோர்ட் ஆகியோர் பொருளாதார அறிவியலுக்கான 2026 ஆம் ஆண்டின் நோபல் நினைவுப் பரிசை வென்றனர்.
  • முட்டையின் ஊட்டச்சத்து நன்மைகள் மற்றும் ஊட்டச்சத்துப் பாதுகாப்பை உறுதி செய்வதில் அவற்றின் பங்கு குறித்த விழிப்புணர்வை மேம்படுத்துவதற்காக, 2026 ஆம் ஆண்டின் உலக முட்டை தினமானது அக்டோபர் மாதத்தின் இரண்டாவது வெள்ளிக் கிழமையன்று (2026 ஆம் ஆண்டு அக்டோபர் 09) அனுசரிக்கப்பட்டது.
  • பேரிடர்-பாதுகாப்பான வீடுகள் மற்றும் நெகிழ்வான வீடுகளில் முதலீடு செய்வது குறித்த விழிப்புணர்வை ஏற்படுத்துவதற்காக, பேரிடர் அபாயக் குறைப்பிற்கான சர்வதேச தினமானது ஆண்டுதோறும் அக்டோபர் 13 அன்று அனுசரிக்கப்படுகிறது.
    • 2026 ஆம் ஆண்டிற்கான இதன் கருத்துரு is “Resilience Starts at Home” என்பதாகும்.

Post Views:
117

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்