TNPSC Thervupettagam
✖
 
31, Dec 2025
TNPSC Group I Topper Corner
தமிழ் English
தேடல்
TNPSC துளிகள்

TNPSC துளிகள்

December 30 , 2025 15 hrs 0 min 39 0
  • இரண்டு முறை ஒலிம்பிக் பதக்கம் வென்ற இந்தியாவைச் சேர்ந்த P.V. சிந்து, பேட்மிண்டன் உலகக் கூட்டமைப்பு (BWF) தடகள ஆணையத்தின் 2026–2029 ஆம் கால கட்டத்திற்கான தலைவராக தேர்ந்தெடுக்கப்பட்டுள்ளார்.
  • ஒடிசா பிரிவினைச் சேர்ந்த இந்திய ஆட்சிப் பணி அதிகாரியான அனு கார்க், 2026 ஆம் ஆண்டு ஜனவரி 01 ஆம் தேதி முதல் ஒடிசாவின் முதல் பெண் தலைமைச் செயலாளராக பதவியேற்க உள்ளார்.
  • அதானி விமான நிலையங்களால் உருவாக்கப்பட்ட புதிய பசுமை விமான நிலையமான நவி மும்பை சர்வதேச விமான நிலையம் (NMIA) வணிக ரீதியான விமான சேவை நடவடிக்கைகளைத் தொடங்கியுள்ளது.
  • ஜோஹோ நிறுவனத்தின் ஆதரவு பெற்ற புத்தொழில் நிறுவனமான VoxelGrids, உள்நாட்டிலேயே உருவாக்கப்பட்ட இந்தியாவின் முதல் காந்த அதிர்வு அலை வரைவு (MRI) ஸ்கேனர் இயந்திரத்தினை உருவாக்கியுள்ளது.
  • இந்தியக் கடலோரக் காவல்படை (ICG) ஆனது, மும்பை கடற்கரையில் எண்ணெய் கசிவுத் தணிப்பு நடவடிக்கைக்கான தயார்நிலையை பரிசோதிக்க பிராந்திய அளவிலான மாசு எதிர்ப்புப் பயிற்சியை (RPREX-2025) நடத்தியது.
  • சீனா சின்ஜியாங் உய்குர் தன்னாட்சிப் பகுதியில், உலகின் மிகவும் நீளமான அதி விரைவுச் சாலை சுரங்கப்பாதையாக அமைந்த 22.13 கிமீ நீளமுள்ள தியான்ஷான் ஷெங்லி சுரங்கப்பாதையைத் திறந்துள்ளது.
    • இது வடக்கு மற்றும் தெற்கு ஜின்ஜியாங்கைப் பிரிக்கும் தியான்ஷான் மலைத் தொடரின் வழியாக செல்கிறது.
  • பரம் ருத்ரா மீக்கணினி ஆனது பாட்னாவின் இந்தியத் தொழில்நுட்பக் கல்விக் கழகத்தில் திறக்கப்பட்டது.
    • இது தேசிய மீக்கணினித் திட்டத்தின் (NSM) கீழ் பீகாரில் உள்ள முதல் மீக்கணினி மையம் ஆகும்.
  • அசாமின் ஜோர்ஹாட்டைச் சேர்ந்த ஐஷி பிரிஷா போரா, நிலைத்தன்மை மற்றும் கழிவு குறைப்பை ஊக்குவிக்கும் அறிவியல் மற்றும் தொழில்நுட்பத்தில் அவரது பணிக்காக 2025 ஆம் ஆண்டு பிரதான் மந்திரி ராஷ்ட்ரிய பால் புரஸ்கார் விருதைப் பெற்றார்.
    • முன்னதாக அவர் 2022 ஆம் ஆண்டில் INSPIRE MANAK (Inspiration in Science Pursuit for Inspired Research - Million Minds Augmenting National Aspirations and Knowledge) மாநில விருதை வென்றார்.

Post Views:
39

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்