TNPSC Thervupettagam
✖
 
14, Jan 2026
TNPSC Group I Topper Corner
தமிழ் English
தேடல்
TNPSC துளிகள்

TNPSC துளிகள்

December 31 , 2025 14 days 115 0
  • ஜம்மு காஷ்மீரின் கிஷ்த்வார் மாவட்டத்தில் 260 மெகாவாட் திறன் கொண்ட துல்ஹஸ்தி இரண்டாம் நிலை நீர்மின் நிலையத்திற்கு சுற்றுச்சூழல் அமைச்சகத்தின் நிபுணர் மதிப்பீட்டுக் குழு ஒப்புதல் அளித்துள்ளது.
  • கோயம்புத்தூரில் உள்ள உக்கடம்-ஆத்துப்பாலம் மேம்பாலம் ஆனது பாரத ரத்னா விருது பெற்ற முன்னாள் மத்திய அமைச்சர் C. சுப்பிரமணியத்தின் பசுமைப் புரட்சி மரபைக் கௌரவிக்கும் வகையில் அவரது பெயரால் பெயரிடப்படும் என்று தமிழக முதல்வர் அறிவித்துள்ளார்.
  • பண்டிட் மதன் மோகன் மாளவியாவின் சேகரிக்கப்பட்ட படைப்புகள் மற்றும் உரைகளின் இறுதிக் கட்ட 12 தொகுதித் தொடரான ​​மகாமனா வாங்மாயை இந்தியக் குடியரசுத் துணைத் தலைவர் புது டெல்லியில் வெளியிட்டார்.
  • அரிஸ்டா நெட்வொர்க்ஸ் நிறுவனத்தின் தலைமை நிர்வாக அதிகாரி ஜெயஸ்ரீ உல்லால், ஹுருன் இந்தியா இதழின் 2025 ஆம் ஆண்டின் பணக்காரர்கள் பட்டியலில் இந்திய வம்சாவளியைச் சேர்ந்த உலகின் பணக்காரத் தொழில்முறை மேலாளராக தர வரிசைப் படுத்தப்பட்டுள்ளார்.
  • முதன்முறையாக அசாமின் ககோய் காப்பு வனப்பகுதியில் ஒரு படைச் சிறுத்தை தென்பட்டது.
    • இது IUCN அமைப்பின் செந்நிறப் பட்டியலில் எளிதில் பாதிக்கப்படக்கூடிய இனமாக வகைப்படுத்தப்பட்டுள்ளது என்பதோடு 1972 ஆம் ஆண்டு இந்தியாவின் வனவிலங்கு (பாதுகாப்பு) சட்டத்தின் முதல் அட்டவணையின் கீழ் இது பாதுகாக்கப் படுகிறது.
  • மணிப்பூரின் சேனாபதி மாவட்டத்தைச் சேர்ந்த சோகோன் கிரிச்சேனா, 'மணிப்பூரின் மலர் பெண்மணி' என்று அழைக்கப்படுகிறார் என்பதோடு மேலும் அவர் பாரம்பரிய வேளாண் அறிவை நவீன வணிக நடைமுறைகளுடன் கலப்பதன் மூலம் மலர் வளர்ப்பை ஊக்குவிக்கிறார்.
    • வடகிழக்கு இந்தியாவில் பெண்களின் தலைமை, சுயசார்பு மற்றும் பொருளாதார அதிகாரமளித்தல் ஆகியவற்றில் அவர் ஆற்றியப் பணிகளுக்காக மன் கி பாத் நிகழ்ச்சியில் பிரதமரால் தேசிய அளவில் அவர் அங்கீகரிக்கப்பட்டார்.

Post Views:
115

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்